20.8 C
Pontevedra
Martes, 27 de Setembro de 2022
Máis
    HomeÉ NoticiaApalpador e Apalpadora percorren os municipios da provincia dentro do «Nadal en...

    Apalpador e Apalpadora percorren os municipios da provincia dentro do «Nadal en Galego»

    A dinamización da lingua, o respecto ao medio ambiente, os hábitos de alimentación saudable e a igualdade, valores do programa ‘Nadal en galego’ que percorrerá 36 concellos durante as festas

    Ao berro de ‘Apalpa a barriga!’ o Apalpador e Apalpadora iniciaron na Escola Infantil de Príncipe Felipe e no CEIP Amor Ruibal de Barro a súa xira de Nadal da man da Deputación de Pontevedra. Ambas figuras visitarán durante as festas 36 concellos da provincia ao abeiro do programa ‘Nadal en galego’ do departamento de Lingua que dirixe a nacionalista María Ortega, quen hoxe quixo acompañar ás e aos escolares de ambos centros e gozar da ilusión e maxia.

    A dinamización da lingua, o respecto ao medio ambiente, os hábitos de alimentación saudable e a igualdade, son os valores que se pretenden fomentar coas actuación sao abeiro do ‘Nadal en galego’, levando a música, o baile e as anécdotas a tódalas comarcas por quinto ano consecutivo.

    “Eu son o Apalpador e traio castañas asadas ás nenas e nenos que comen san”, explicaba a figura tradicional do Nadal galego ás crianzas en Príncipe Felipe e do CEIP Amor Ruibal, ao tempo que poñía en valor o comer verduras, beber leite ecolóxico e manifestaba o seu descontento pola comida ‘lixo’ e polas bebidas edulcoradas.

    Tamén tivo tempo o Apalpador de facer ver ás e aos escolares que todas as figuras tradicionais do Nadal son homes (Papá Noel, os Reis Magos, o Lentxero…) cando as mulleres son igualmente importantes, dando paso á súa compañeira Apalpadora entre os berros de benvida da rapazada.

    As actuacións do Apalpador e a Apalpadora repartiranse entre o día 20 e o 31 de decembro –a excepción do día de Nadal– en diferentes horarios e localizacións, preferentemente en lugares ao aire libre se o tempo acompaña.

    Mañá domingo 22 decembro, o Apalpador estará ás 17 horas na Biblioteca Municipal ‘Xoán Xosé Pérez Labaca’ de Mondariz; ás 19 horas en Salceda de Caselas na praza do Concello tendo, como lugar alternativo en caso de choiva, a Casa da Cultura.

    Pola súa banda a Apalpadora estará o domingo 22 no Mercado Municipal de Tomiño ás 12 horas; ás 17 horas na Praza do Concello do Rosal e, en caso de choiva, na sala de exposicións do Concello.

    O xoves 26 de decembro o Apalpador visitará As Neves, ás 12 horas na praza do Concello ou no Mercado Municipal en Caso de choiva; Covelo, ás 17 horas na praza mestre Cerviño ou no Auditorio Municipal é Ponteareas, ás 19 horas na Praza Maior.

    O venres 27 decembro o Apalpador visitará ás 12 horas a cidade de Tui, no Edificio Francisco Sánchez (Área Panorámica) e ás 19 horas Mondariz Balnearioo na Sala de Cultura do Concello.

    Finalmente, o 29 de decembro a Apalpadora visitará Baiona ás 12 horas na Praza do Concello; Gondomar, ás 17 horas na Praza Paradela ou no Auditorio Municipal en caso de choiva e O Porriño ás 19 horas na Praza do Concello ou nos soportais da Casa do Concello en caso de mal tempo.

    O programa ‘Nadal en Galego’ está tamén deseñado para fomentar o coñecemento da tradición de Nadal propia da Galiza e para que as e os máis novos poidan familiarizarse co mítica figura galega e coñecer a súa historia. Na orixe, ‘O Apalpador’ representábase como un carboeiro de barba vermella que baixaba das montañas ás vilas a noite do 24 ou o 31 de decembro para tocar o ventre das crianzas e comprobar se comeran suficiente durante o ano, deixando ao seu carón agasallos e castañas e desexos de felicidade e comida.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS