19.3 C
Pontevedra
Sábado, 20 de Xullo de 2024
Máis
    HomeÉ NoticiaA Xunta celebra a incorporación da Illa de Tambo á oferta turistica...

    A Xunta celebra a incorporación da Illa de Tambo á oferta turistica galega para reforzar o destino

    O expositor institucional da Xunta de Galicia da Feira Internacional de Turismo, Fitur, acolleu onte a presentación Illa de Tambo, Embarcamos! na que se ofreceron detalles das visitas guiadas á illa para este ano, tras a súa apertura ao turismo o ano pasado despois de anos pechada polo seu uso militar.

    O xerente de Turismo de Galicia, Antonio Casas, cualificou dunha “excelente noticia para o turismo galego” a súa incorporación ao turismo galego e augurou que este 2024 será “especialmente importante para o seu lanzamento e promoción”. O representante da Xunta de Galicia salientou o valor patrimonial e natural, pero tamén o seu “valioso e estratéxico papel” para o turismo de Poio, da Ría de Pontevedra e de toda Galicia.

    Como recordou, desde o Goberno autonómico apostouse desde o primeiro momento por apoiar a súa incorporación ao turismo coa posta en valor dos seus recursos patrimoniais e naturais e salientou que nestes momentos é imporante tamén a súa promoción.

    Durante a presentación, na que tamén se contou coa presenza do delegado territorial da Xunta en Pontevedra, Agustín Regueira, déronse algunhas claves das visitas, que están coordinadas polo Concello de Poio a través da súa páxina web, desde onde se debe tramitar a autorización e se atopa toda a información necesaria. Organízanse grupos de 50 persoas con guías turísticos en dúas quendas de mañá e dúas de tarde os venres, sábados e domingos.

    A presentación da Illa de Tambo é una das preto de 50 que terán lugar ata este venres no expositor institucional da Xunta en Fitur. Hoxe foi a primeira xornada e durante estes días darase a coñecer gran parte da oferta galega e novas iniciativas previstas para este 2024.

    Nesta edición, Galicia aposta por consolidarse como un destino de calidade, sustentable, diferenciado e respectuoso e todas estas actividades levaranse a cabo no renovado expositor temático deseñado cun alto grao de orixinalidade ao redor dos recursos ligados á auga en todas as súas vertentes.

    A programación completa da actividade profesional no expositor da Xunta de Galicia está dispoñible na páxina de Turismo de Galicia, desde onde tamén se poderán seguir en directo en streaming algunhas das actividades programadas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.