15.1 C
Pontevedra
Sábado, 23 de Outubro de 2021
Máis
    HomeÉ NoticiaA Deputación inxecta máis de 2,2 millóns de euros para a conservación...

    A Deputación inxecta máis de 2,2 millóns de euros para a conservación de firmes nas estradas provinciais

    O Goberno da Deputación de Pontevedra deu hoxe luz verde a unha inxección de máis de 2,2 millóns de euros destinada á conservación de firmes nas estradas provinciais. Esta adxudicación de contratos, distribuída en tres lotes por zonas xeográficas da provincia, completarase proximamente con outras dúas que permitirán seguir achegando recursos aos concellos para manter a rede viaria e impulsar a economía.

    A presidenta, Carmela Silva, resaltou que “É fundamental facilitar a mobilidade e seguridade das persoas que empregan as estradas de titularidade provincial pero, ademais, con esta adxudicación de máis de 2,2 millóns, imos permitir que se reactive a actividade económica, o que significa tamén o mantemento do emprego”.

    En concreto os máis de 2,2 millóns de euros aprobados pola Xunta de Goberno están distribuídos en tres lotes que afectan a tres zonas da provincia de Pontevedra. Así, preto de 712.000 € irán para estradas provinciais dos concellos de Ponte Caldelas, A Lama, Pazos de Borbén, Fornelos de Montes, Redondela, Soutomaior, Ponteareas, Salvaterra, As Neves, Mondariz, Mondariz-Balneario, A Cañiza, Covelo, Arbo e Crecente. Nesta zona actuarase na EP 2900 Redondela-Ventosela (Redondela); EP 2908 Arcade-Amoedo (Soutomaior); EP 4102 Leirado-Lira (Salvaterra); EP 4202 Tortoreos-Rubiós-Carrasqueira (As Neves); EP 4303 Mondariz-Meirol (Mondariz); EP 4402 Mondariz Balneario-Vilasobroso (Mondariz-Balneario); EP 5006 enlace A Cañiza-Arbo-Crecente (A Cañiza); EP 5105 Covelo-Paraño (Covelo); EP 5205 Lomba- Albeos (Arbo) e EP 5304 Villar-Albeos (Crecente).

    Por outra banda máis de 800.000 € distribuirase na zona que abrangue os concellos de Vigo, Nigrán, Baiona, Gondomar, O Porriño, Salceda de Caselas, Mos, Redondela, Tui, Tomiño, Oia, O Rosal, A Guarda e Ponteareas. Nesta zona actuarase na EP 2001 Calvario-La Garrida, EP 2003 Coruxo-Canido, EP 2004 Beade-Carneiras e EP 2005 Meixoeiro-CUVI (Vigo); na EP 2501 Salceda-Picoña, EP 2503 Cerquido-Borralliño, EP 2504 Entenza-Soutelo e EP 2505 Salceda-Caldelas (Salceda de Caselas) e na EP 3102 Tomiño-Sabarís (Tomiño).

    Finalmente preto de 700.000 € irán para estradas provinciais de Valga, Pontecesures, Catoira, Cambados, O Grove, Sanxenxo, Meaño, Meis, Ribadumia, Vilagarcía de Arousa, Vilanova e A Illa. Nesta zona as actuacións terán lugar na EP8504 Forno-Cernadas e EP 8505 Ferreirós-Vilar (Valga); na EP 8702 Catoira-Torres do Oeste (Catoira); EP 9001 Castrelo-Couto de Abaixo e EP 9005 Corbillón-Tremoedo (Cambados); EP 9101 O Grove-Igrexa de San Vicente, EP 9102 acceso mirador Siradella e EP 9103 rampla Meloxo (O Grove); EP 9205 Sanxenxo-Meaño, EP 9208 Noalla-Aios e EP 9212 Noalla-Praia da Lanzada (Sanxenxo); EP 9303 Meaño-Dena (Meaño); EP 9403 Santo Tomé-San Salvador (Meis); EP 9508 Lois-A Goulla e EP 9509 Os Muíños Novos-Tabueiros (Ribadumia); EP 9803 Vilanova-Pontearnelas (Vilanova) e EP 9801 Ponte-Laxes (A Illa de Arousa).

    A presidenta provincial informou que aínda quedan pendentes dúas contratacións máis, para poder cubrir os 1.500 quilómetros de vías provinciais e garantir que se manteñan en “perfecto estado”. Neste eido, proximamente se adxudicará o contrato para estradas de Pontevedra, Vilaboa, Cerdedo Cotobade, Barro, Poio, Cangas, Moaña, Marín, Bueu, Moraña e Campo Lameiro. Tamén xa está todo preparado para a resolución do contrato do mantemento nas estradas da comarca de Deza, onde a maiores se están executando xa obras de reposición de firme por valor de máis de 500.000 € en Rodeiro e Agolada. “Con iso, subliñou Carmela Silva, aumentaremos os máis de 2,2 millóns de euros aprobados, e haberá moitos máis recursos a disposición da provincia, para as empresas, a reactivación da economía e o mantemento do emprego”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS