15.2 C
Pontevedra
Martes, 22 de Xuño de 2021
Máis
    HomeÉ NoticiaA Deputación inicia unha completa programación do 8M "para estender a igualdade"

    A Deputación inicia unha completa programación do 8M “para estender a igualdade”

    A presidenta da Deputación, Carmela Silva, presentou esta mañá a completa programación impulsada pola institución ao abeiro do 8 de marzo, Día Internacional da Muller, que arranca xa na provincia de Pontevedra. Neste eido Silva destacou que “o 8 de marzo non pode rematar o 8 de marzo e por iso nós impulsamos unha programación que estende a igualdade todo o ano”.

    Máis polo miúdo, a presidenta recordou que mañá venres, as 10.30 horas, despregarase no Pazo provincial e na sede de Vigo, unha pancarta animando á participación na folga feminista de 24 horas. “Aínda hai sindicatos que seguen sen indicar que falamos dunha folga de 24 horas de mulleres, non dunha folga xeral, e que os homes se teñen que quedar ao cargo dos coidados”, destacou Silva. A presidenta informou que “tanto eu como as mulleres deste goberno e do gabinete participaremos na folga. Ese día leremos ás 11.00 un manifesto na escalinata do Pazo para poder participar, a continuación, nas mobilizacións previstas”. Tamén aproveitou Silva para animar ás traballadoras da Deputación a sumarse á folga.

    Este ano, no marco da programación con motivo do 8 de marzo e como novidade, impulsaranse tres “grandes eventos de Igualdade, moi impactantes, que serán os actos centrais da programación: “Ramonas on Tour” e as xornadas “Muller e poder” e “As mulleres crean”. Sobre “Ramonas on Tour” Carmela Silva adiantou que se desenvolverá o 15 de marzo en Vigo e o 22 de marzo en Pontevedra pero que “estenderemos por toda a provincia ao longo do ano. Trátase dunha actividade potentísima, musical, didáctica e social co fin de sensibilizar e por en valor o protagonismo da muller no avance das sociedades”. En concreto, a presidenta asegurou que se trata dunha xornada de actividades durante a cal se desenvolverán dúas actuacións musicais (para o público infantil pola mañá e para o público xeral pola noite) a cargo da banda de rock “Ramonas on tour”, obradoiros infantís, unha exposición e charlas e conferencias.

    Pola súa banda as xornadas “Muller e poder” e “As mulleres crean” terán lugar na sede da Escola de Igualdade María Vinyals, no Castelo de Soutomaior. A primeira delas o 3 de abril e traerá ata Soutomaior a mulleres de ámbitos como a ciencia, tecnoloxía, a cultura, a empresa, o deporte, medios de comunicación e política que aportarán as súas experiencias. En canto a “As mulleres crean”, terá lugar en maio e trátase dunha xornada na que se afondará no papel da muller no eido da literatura, cultura e arte. Para elo a Deputación contará coa presenza de escritoras galegas que lerán parte das súas obras, música con grupos femininos, performance en directo e cunha artista relacionada coa arte urbana que realizará un grande mural en directo.

    Xunto a estes tres actos, a presidenta informou que a programación con motivo do 8 de marzo estenderase dende hoxe mesmo, co peche en Bueu da xira de presentación do libro “Oito olladas sobre a folga feminista do 8 de marzo”. Mañá ás 11.00 tanto Carmela Silva como o alcalde de Pontevedra, Miguel Anxo Fernández Lores, darán o pistoletazo de saída á segunda edición do encontro de mulleres columnistas “As mulleres que opinan son perigosas”. Neste eido, a presidenta quixo facer un recoñecemento público ás xornalistas Susana Pedreira e Diana López, por “esta grande idea que o ano pasado acadou 21 millóns de chíos”, e á concelleira de igualdade de Pontevedra Carmen Fouces.

    Tamén mañá en Cangas e o 21 de marzo en Vigo terán lugar as inauguracións da exposición “Achegas das mulleres á sustentabilidade do mar” que contará con novos materiais. O 7 de marzo a programación da Deputación de Pontevedra continuará coa inauguración na Guarda da exposición “Rompe. Xoga en igualdade”. Pola súa banda “Mulleres en acción. Violencia Zero” levará ata Barro e Vilagarcía de Arousa, os días 11 e 26 de marzo, dúas accións protagonizadas por Teresa Búa e Luz Darriba. Amais o 12 de marzo presentarase en Vilagarcía o libro “María Vinyals. Un talento rebelde” e o 22 chegará a Vigo a mostra “Sorrisos transformadores”.

    Silva aproveitou a ocasión para recordar que este ano a ONU celebra o Día Internacional da Muller baixo o lema “Pensemos en igualdade, construamos con intelixencia, innovemos para o cambio”. Concretamente a ONU aposta pola innovación para empoderar ás mulleres, especialmente en canto aos sistemas de protección social, acceso aos servizos públicos e á infraestrutura sostible, atendendo aos ODS (Obxectivos de Desenvolvemento Sostible). Silva explicou que, “segundo datos da propia ONU, se se manteñen as tendencias actuais, as actuacións que se están a desenvolver no eido da igualdade non serán suficientes para conseguir un planeta 50-50 no 2030, por iso nós temos que facer todo o posible por acadalo”.

    A presidenta da Deputación incidiu na importancia de romper coa fenda dixital e a pouca presenza das mulleres nas carreiras STEM, “onde non chegamos ao 25% da matrícula. Preocúpame que os últimos estudos poñan de manifesto que soamente o 15% das menores de 15 anos quere estudar carreiras STEM e por iso hai que traballar moito para visibilizar estas cuestións, para que as mozas opten polo mundo dixital, para que as mulleres non sexan persoas desaparecidas no futuro”. En relación a esta cuestión, Silva adiantou que estamos desenvolvendo conxuntamente coa Universidade de Vigo unha proposta moi potente que presentarei proximamente co vicerreitor.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS