13 C
Pontevedra
Martes, 19 de Marzo de 2024
Máis
    HomeÉ NoticiaA Deputación abre hoxe o prazo para novas rutas dos 'Bosques terapéuticos'

    A Deputación abre hoxe o prazo para novas rutas dos ‘Bosques terapéuticos’

    As persoas que desexen desfrutar o próximo mes dos baños de bosque, para os que hai 300 prazas, poden xa inscribirse cun formulario na web da Deputación

    A partir deste luns 20 de xuño as persoas interesadas poden xa inscribirse nas dez rutas do programa provincial “Bosques Terapéuticos” previstas para o vindeiro mes de xullo. A Deputación ofrece un total de 300 prazas nestes novos percorridos, do total de 1.140 que oferta este verán. Para tomar parte nos baños de bosque, as persoas deben inscribirse co formulario que atoparán na web provincial www.depo.gal.

    En concreto, no mes de xullo, as rutas comezarán o día 2 pola Ruta da Pedra e da Auga de Meis e continuarán ao día seguinte polos Salóns do Lérez. O día 9, os baños de bosque chegarán ao Río Eifonso, no Espazo natural de Bembrive (Vigo), mentres que para a Illa de Tambo haberá dous percorridos, os días 10 e 24. Tamén haberá dous rutas pola Ponte Colgante do Lérez, nos concellos de Campo Lameiro e Cerdedo-Cotobade, os días 17 e 30, e pola Senda do Almofrei (Cerdedo-Cotobade) os días 16 e 31 de xullo. A actividade na Illa de Arousa será o día 23. Hai que lembrar que a Deputación decidiu dobrar as prazas de cada un dos percorridos debido á altísima demanda desta actividade.

    Os Bosques Terapéuticos, que chegan este 2022 a súa terceira edición, constitúen unha actividade integral e participativa na que se prima a propia experiencia das persoas co medio natural da contorna, conxugada coa interpretación do patrimonio. Todo nunha ruta guiada que busca dar a coñecer os espazos naturais da provincia e, de xeito especial a posta en valor dos beneficios dos “baños de bosque”, que permiten conectar coa natureza empregando todos os sentidos, amais de ser unha terapia que cada vez máis estudos definen como beneficiosa para a saúde e para a prevención dalgunhas enfermidades.  

    En cada unha das rutas hai unha dinámica específica relacionada cos beneficios dos “Bosques Terapéuticos”, adaptada aos contidos desenvolvidos na ruta e ao espazo no que se desenvolve. Foméntase o uso dos sentidos favorecendo, por exemplo, a percepción de diversas texturas ou cheiros na natureza, sempre coa premisa da conservación. As visitas están destinadas a público xeral (os e as menores deberán ir acompañados) e teñen unha duración de entre hora e media e 2 horas. Comezarán ás 10h polas especiais características de procura de tranquilidade e conexión coa natureza e as persoas participantes deberán gardar as normas de silencio e de respecto ao grupo, á actividade e ao espazo, indicadas pola persoa guía.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.