14.7 C
Pontevedra
Domingo, 5 de Febreiro de 2023
Máis
    HomeÉ NoticiaA arte urbana chega ao Centro Penitenciario da Lama para "sementar pola...

    A arte urbana chega ao Centro Penitenciario da Lama para “sementar pola igualdade”

    Carmela Silva asistiu á presentación do graffiti realizado por un grupo de internas, coa coordinación da artista Iria Fafián, nun dos muros do módulo de mulleres

    Implicar a un grupo de mulleres internas no Centro Penitenciario da Lama dende a acción artística para promover unha actitude crítica fronte á desigualdade, foi o obxectivo fundamental da elaboración do graffiti presentado este mércores no penal pontevedrés, ó abeiro da campaña institucional da Deputación de Pontevedra con motivo do 25 de novembro ‘Sementando pola Igualdade’.

    No acto de inauguración da peza de arte urbana nun dos muros do Centro participaron a presidenta da Deputación de Pontevedra, Carmela Silva, a directora das instalacións penitenciarias, María Teresa Delgado, a artista Iria Fafián que coordinou o graffiti, e unha representante das internas que o levaron a cabo. Así, esta obra de 8 metros de largo e 6 de alto, que amosa dúas mulleres apoiadas nas súas costas, simboliza o apoio, a confianza e, en definitiva, a sororidade, concepto do que partiu a artista coordinadora para vertebrar o mural. As mulleres internas, que colaboraron na elaboración e idealización do graffiti, plasmaron na parede as palabras ‘Respecto, forza, unión, loita e apoio’. Deste xeito, a peza colectiva, que procura sensibilizar acerca das desigualdades existentes entre mulleres e homes, está inserida nas accións levadas a cabo pola Deputación no mes de novembro.

    A presidenta provincial, Carmela Silva, departiu coas mulleres internas que participaron na elaboración do graffiti, ás que agradeceu o seu compromiso con esta acción colectiva. “Cremos profundamente no poder transformador da arte para reivindicar as causas que merecen a pena como a loita pola igualdade e a súa capacidade de denuncia”, dixo Silva, quen mostrou a súa emoción pola colaboración das mulleres internas e a súa vontade para colaborar con esta acción artística.

    Na presentación do mural do cárcere da Lama, as participantes recibiron bolsas da Escola María Vinyals que inclúen unha camiseta da campaña contra as agresións sexuais, os dípticos desta campaña, pulseiras de tea de ‘Mulleres en acción. Violencia Zero’ e un libro de María Vinyals.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS