18.1 C
Pontevedra
Sábado, 26 de Novembro de 2022
Máis
    HomeVal MiñorBaionaO 'Okofen', vencedor da liga de Inverno de J80

    O ‘Okofen’, vencedor da liga de Inverno de J80

    Okofen de Javier de la Gándara volveu deixar a súa marca unha vez máis no territorio dos J80 en Galicia, no que desde hai anos é, sen dúbida, un dos barcos máis destacados e con máis premios na súa traxectoria. Tras recibir hai uns días o título de ‘Mellor J80 da tempada 2018’, outorgado pola Federación Galega de Vela, a tripulación do Okofen recolleu esta tarde en Baiona un novo galardón para a súa colección, o de vencedor da liga de Inverno de J80.

    Fíxoo, ademais, con contundencia, ao lograr sacarlle unha gran marxe aos seus competidores máis directos. 8 puntos de distancia co segundo clasificado e 12 co terceiro levantáronlle todo o máis alto do podio do campionato organizado polo Monte Real Club de Iates desde o pasado mes de xaneiro.

    Das seis xornadas de competición previstas no programa deportivo do trofeo, a meteoroloxía unicamente permitiu celebrar tres delas, e o Okofen levou a vitoria de dúas. Só deu tregua aos seus rivais nunha das xornadas, na que o Cansino logrou roubarlle momentaneamente o podio provisional.

    [ngg src=”galleries” ids=”12″ display=”basic_thumbnail” template=”default”]

    Foi precisamente este barco, patroneado polo comodoro do Monte Real Club de Iates, Fernando Yáñez, o que se fixo finalmente co segundo posto da clasificación, con 15 puntos. A terceira posición, con 19 puntos, ocupouna o Miudo de Carlos Hernández.

    A xornada deste sábado, que se disputou cun vento do oeste-noroeste de entre 15 e 20 nós, deixou uns resultados moi variados, con subidas e baixadas sorprendentes nas diferentes probas. Foi o caso do Okofen, que asinara ata agora todos os resultados con primeiros e segundos postos, e que hoxe caeu ata a sexta posición nunha das probas; e doutros barcos como o Luna Nueva ou o Mondo, que non puideran coarse nos postos de honra, e que hoxe lograron dous segundos postos.

    Finalmente, tras as posicións de ouro, prata e bronce do Okofen, Cansino e Miudo,e a entrada en xogo dun descarte, o Namasté de Luís de Mira quedou cuarto; o Luna Nueva de Juan Luís Tuero, quinto; e o Mondo de Bernardo Macedo, sexto.

    [ngg src=”galleries” ids=”14″ display=”basic_thumbnail”]

    O sétimo posto foi para o Pazo de Cea patroneado por María Campos, e o Cunichánde Javier Martínez Valente quedou oitavo. Pechando a clasificación, o Cormorán II,Ferralemes e o Virazón, que non puideron disputar todas as probas disputadas.

    Tras a celebración desta última xornada esta tarde en Baiona e a posterior entrega de premios aos gañadores, o Monte Real Club de Iates puxo o punto e final á que foi a primeira competición da súa tempada deportiva de 2019.

    A próxima cita no seu calendario de regatas é o Trofeo Comunica, para o que o club xa lanzou o Anuncio de Regata e abriu o prazo de inscrición. Celebrarase o próximo 20 de abril, coincidindo coa Semana Santa, e volverá contar, un ano máis, coa colaboración do Real Club Náutico de Vigo, desde onde se dará saída á proba.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS