O Concello de Nigrán estreou esta semana no Pavillón Municipal durante o campus multideporte do Club Baloncesto Nigrán e Panxón-Nigrán Fútbol Sala unha cabina de desifección cedida para a ocasión pola empresa porriñesa Ramecq, fabricante da mesma. A cabina, instalada na entrada deste espazo municipal, permite que unha vez que se introduza nela a persoa se nebulice líquido desinfectante (auga ionizada), controle a temperatura e dispense xel hidroalcohólico, ademais de contar con alfombrilla especial para os zapatos. A cabina pode implementarse para a recollida de datos de cara a empresas (hora de máis afluencia de clientes, etc.)
“Estamos moi agradecidos á empresa Raquecq por este préstamo desinteresado que mellora e axiliza o sistema de desinfección co obxectivo de dar a máxima seguridade”, incide o alcalde de Nigrán, Juan González.
