12 C
Pontevedra
Venres, 29 de Marzo de 2024
Máis
    HomeVal MiñorNigránNigrán urxe á Xunta a substituír as tubaxes oxidadas do CEIP Mallón

    Nigrán urxe á Xunta a substituír as tubaxes oxidadas do CEIP Mallón

    O Concello de Nigrán insta á Xunta de Galicia a que execute sen demora obras de substitución das vellas e oxidadas tubaxes do CEIP de Mallón “ao detectarse niveis de ferro elevado na auga pese a ser apta para o consumo”, tal e como revela a analítica realizada esta semana dende a concesionaria Aqualia a instancias do propio Concello e que foi remitida hoxe a Consellería de Educación xunta a imaxes e un escrito oficial.

    A realidade é que boa parte da instalación data dende o ano de construción do centro en 1987 e presenta a simple vista un gran deterioro que, ao inicio de cada curso escolar e tras meses sen uso, faise visible na propia auga durante os primeiros días.

    Por todo elo, e co obxectivo de outorgarlle a máxima celeridade, o Concello trasladará a maiores na vindeira semana á Consellería de Educación un informe municipal no que se valore a intervención e a súa contía económica (xa se contratou a unha empresa ao efecto). Paralelamente, mentres os niveis de ferro non baixen, o Concello continuará subministrando ao centro escolar bidóns de auga embotellada.

    “Aínda que sexa auga apta para o consumo a calidade non é a máxima, polo que dende o Concello preferimos achegar auga embotellada ata que se corrixa a situación”, indica o alcalde, Juan González.

    Así, os diferentes parámetros analizados son correctos e no caso do ferro presenta 223 mg/litro, amosando neste aspecto unha pequena incidencia ao superar os 200 mg/litro (a partir dos 500 mg/litro consideraríase non apta para o consumo, tal e como recolle o Real Decreto 140/2003 que establece os criterios sanitarios da calidade da auga de consumo humano).

    As analíticas confirman que a auga é apta para o consumo aínda que revelan un nivel de ferro elevado debido precisamente ao deterioro da instalación

    “Hai anos que vimos reclamando á Xunta a substitución das tubaxes do CEIP Mallón que, loxicamente, tras 32 anos de uso, están totalmente deterioradas, como a simple vista se aprecia”, incide o alcalde.

    “Os Concellos temos a obriga de realizar o mantemento dos centros educativos, pero é obvio que estas cuestións responden a que os materiais empregados na construción dos colexios xa rebasaron a súa vida útil. A analítica da auga advirte de que o cambio é necesario e urxente e así llo reiteraremos á Xunta as veces que faga falta”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.