10.6 C
Pontevedra
Martes, 13 de Abril de 2021
More
    HomeVal MiñorNigránNigrán recibe máscaras protectoras coa estampa de Frida Kahlo doadas pola firma...

    Nigrán recibe máscaras protectoras coa estampa de Frida Kahlo doadas pola firma de moda ‘Chill&Buy’

    O Concello de Nigrán recibiu a donación de 250 mascarillas hixiénicas donadas pola firma de moda viguesa ‘Chill&Buy’ e que foron confeccionadas artesanalmente por María Victoria Domínguez con telas coa estampa de Frida Kahlo. Estas mascarillas están a ser distribuídas polo Concello entre persoal de supermercados de Nigrán ou de residencias de anciáns e colectivos que precisen o seu uso na súa incorporación ao traballo.

    Igualmente, o Concello recibíu onte a donación de 100 mascarillas homologadas por parte de Abanca e 50 pantallas hixiénicas e 50 abreportas ‘Lu-Toch’ de parte da empresa Akwel Spain SLU (estas dúas últimas achegas foron entregadas por parte dun dos seus traballadores nigraneses). ‘Lu-Touch’ é un útil de apertura e peche de portas e xanelas que permite tamén actuar como pulsador de botóns e interruptores, de forma que se evita o contacto directo con superficies e limítanse os riscos de contaxio. Este dispositivo, presentado onte oficialmente, é unha iniciativa solidaria da Universidade de Vigo, Asime e as empresas Lupeon, Davitic (ambas de Nigrán) Roviño5 e Akwel Automotive. Os primeiros ‘Lu-touch’ foron entregados esta mañá polo alcalde ao Grumir xunto con pantallas, mascarillas e outros materiais, tamén se lle entregará a taxistas e outros colectivos.

    Lu-Touch permite abrir portas e xanelas evitando o contacto directo coas superficies e limitando o risco de contaxio

    O Concello recibíu desde o inicio da pandemia multitude de donacións de medios protectores por parte de particulares ou empresas, todo o foi entregando nos sectores que máis urxentemente o precisaban ao estares esgotados no mercado (como as mascarillas para as traballadoras do servizo de axuda a domicilio ou residencias). Mercerías como a gondomareña ‘O Rincón de Elo’ e o grupo ‘YoMePongoACoser’, composto por 16 persoas e a Mercería Barrosiña e Organza Producciones, tamén teñen facilitado ao Concello mascarillas confeccionadas artesanalmente e de xeito altruísta.

    A maiores, o Concello fornece desde inicios da crise de materiais para que dous particulares solidarios fagan pantallas coas súas impresoras 3D, así, dúas persoas de Nigrán (Camos) e de Gondomar están a traballar na realización destes accesorios que o Concello se encarga de achegar aos centros de saúde, Hospital Álvaro Cunqueiro ou residencias.

    “As mostras de solidariedade son infinitas e sería imposible nomear a todas as persoas e empresas. Estamos moi orgullosos do comportamento do texido social e empresarial de Nigrán nesta grave crise sanitaria”, subliña o alcalde, Juan González.

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS