O Concello de Nigrán arrancou esta semana un plan de asfaltados histórico que abrangue 51 rúas das 7 parroquias cun investimento de 633.127,28 € a cargo do Plan Concellos 2022 da Deputación de Pontevedra. Estos traballos foron adxudicados á empresa Narom S.L e estarán finalizados en menos de 3 meses coa conseguinte mellora da calidade de vida de toda a veciñanza e da seguridade viaria do municipio.
Adicionalmente, continúan as obras en Otero Pedrayo por importe de 1,3 millóns e nas vindeiras semanas arrancarán os traballos para humanizar tamén a rúa Mestra Emérita (Priegue) cun investimento de 309.127 €. Ademais, o Concello está actualmente a tramitar un segundo plan de asfaltados cun orzamento de 592.292 € cargo ao Plan Concellos 2023 e que tocará a outras 33 rúas
“Estamos sen dúbida ante o maior plan de asfaltados da Historia do Concello de Nigrán ao que seguirá outro case igual de ambicioso. Se sumamos Mestra Emérita e Otero Pedrayo falamos dun investimento de 2,2 millóns ao que se sumarán outros 592.000 no 2023”, explica o alcalde, Juan González, quen engade que “todas estas estradas tiñan en común o mal estado do firme coa conseguinte demanda de renovación por parte da veciñanza”.
Así, segundo recolle o propio proxecto redactado polo enxeñeiro Roberto Aya, todas estas rúas se atopan en moi mal estado de conservación, presentando baches, fisuras, degradación da capa de rodadura ou vexetación nos bordes, polo que serán reasfaltadas por completo (algunas son rúas de terra, como Cochos ou Regueiro da Brava, e se verán melloradas con este firme). Ademais, renovarase a sinalización horizonal e se intalarán reductores de velocidad nos tramos máis sensibles.
“En definitiva, suporá un cambio radical na mellora da seguridade viaria de estas estradas e na propia calidade de vida da súa veciñanza”, resume o rexedor.
Os caminos que comprenden este plan de asfaltados son:
- Priegue: Pedrosas, Comesaña, Cea, PO-235 e Abetos
- Panxón: Cansadoura, Camiño das Barxas, Filgueira, Cacheiro, Rabadeira, Gorféns, Panasco, Arquitecto Palacios, O Noso Camiño e A Barcalleira.
- Camos: Reboreda, O Regueiro da Brava, Cano, Fontenla, Tarela, Outeiro, Preira, Rial, Igrexa, Sobral, Costas, Fontes.
- Parada: Gándara, Porto do Molle, Casanova
- San Pedro: Cocho de Cotros, Estrada pola Vía, Estripeiro, Gobernador, Viso, Tobeira, Francisca Lago, Souto, Cabreira, Salgueira, Xunqueira, Pisco, Pousa e Lameira.
- Nigrán: Praia América, Maceiras, Castelao, Ferreiro, Casas
- Chandebrito: Tomadas
