16.5 C
Pontevedra
Xoves, 20 de Xuño de 2024
Máis
    HomeVal MiñorNigránNigrán colabora no 'Beachmarket' desta fin de semana en Gaifar co concerto...

    Nigrán colabora no ‘Beachmarket’ desta fin de semana en Gaifar co concerto da ‘Asociación Folclórica Vila de Baiona’

    Os comerciantes do municipio ofrecen un mercado especial durante todo o sábado e domingo co concerto folclórico como colofón ás 20:00 horas

    O Concello de Nigrán colabora cos comerciantes do municipio na celebración do ‘Beachmarket’ deste fin de semana no espazo municipal Dunas de Gaifar (Panxón). Nesta ocasión desenvolverase durante todo o sábado e domingo (de 11:00 a 22:00 horas) e contará como colofón final coa actuación da ‘Asociación Folclórica Vila de Baiona’ o domingo ás 20:00 horas.

    Esta agrupación naceu no ano 1989 da man dun grupo de nais preocupado por manter a tradición popular, iniciándose cun grupo de danza que chegou a ter 150 mozos integrantes e a actuar na Expo92.

    Na actualidade aqueles alumnos dirixen e manteñen a asociación baixo a dirección na sección de baile de Eduardo Alves de Costa Lojo (ex-compoñente do Ballet Galego Rey de Viana) e con diferentes grupos de danza tradicional e as ‘Pandereiteiras de Monteboi’. Contan cun importante e variado vestiario que reflexa a vistosidade da indumentaria tradicional galega.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.