18.8 C
Pontevedra
Luns, 15 de Agosto de 2022
Máis
    HomeVal MiñorNigránNigrán celebra que a Xunta acepte as alegacións sobre a PO-552

    Nigrán celebra que a Xunta acepte as alegacións sobre a PO-552

    Manteránse os semáforos da contorna de Mallón creando un itinerario peonil nesa zona

    O alcalde de Nigrán, Juan González, cualificou hoxe de “moi satisfactorio” o encontro mantido onte en Santiago coa conselleira de Infraestruturas, Ethel Vázquez, no que esta confirmou que as alegacións sobre a prioridade de manter os semáforos na contorna de Mallón (PO-552) foi aceptada, así como a de realizar un itinerario peonil seguro na zona da rotonda de Ureca ata a rúa Rans.

    O encontro mantido en Santiago, no que tamén participou o director da Axencia Galega de Infraestruturas, Francisco Menéndez, responde á solicitude urxente realizada dende a alcaldía ante a disconformidade do Concello con determinados aspectos que xa manifestara nas súas alegacións oficiais e mesmo por escrito á propia Xunta. Na reunión

    “Estamos moi satisfeitos de que se teñan escoitado as nosas reclamacións da PO-552 e non temos dúbida de que deste xeito, falando entre as dúas administracións, este proxecto e todos os que veñan serán moi beneficiosos para Nigrán”, indica o rexedor

    Inicialmente a Xunta manifestara o seu rexeitamento ás alegacións do Concello ao proxecto de mellora da seguridade viaria na PO-552 (puntos quilométricos 10+600 a 13+800) na contorna de Mallón, xa que eliminaba a regulación semafórica de Cotros (á altura da panadería La Pintora) engadindo un carril central de incorporación na estrada e impoñendo ademais o sentido único nas rúas Cruceiros e Mallón, ambas municipais (esta última cuestión na que o Concello demanda manter o dobre sentido non a teñen resolta aínda pero non se amosan inicialmente disconformes).

    O Concello sempre mantivo que os semáforos instalados hai máis de catro anos como medida de seguridade demostraron funcionar moi ben, mentras que o aparcamento próximo á panadería é vital para os negocios alí existentes.

    O outro aspecto fundamental que alegara o Concello e que non se contemplara inicialmente pero agora si é a mellora da accesibilidade peonil na contorna de Ureca (rotonda coa AG-57 a Porto do Molle ou Camiño A Camesella), xa que actualmente só dispón dun único itinerario peonil moi complexo a pesares de ser unha zona moi transitada, dado que dende aí se entra ao sendeiro do Río Muíños ou ás instalacións deportivas.

    Para o Concello resultaba imprescindible que se incluíse a construción de itinerarios peonís en toda esta zona que conectasen directamente coas beiravías da rúa Rans. “É unha moi boa nova porque ao fin se crea un tramo seguro e accesible que unirá A Ramallosa co centro de Nigrán, xa que ata agora era discontinuo e inviable”, subliña González, a quen lle comunicaron que as obras arrancarán no vindeiro mes.

    PO-340

    Finalmente, o alcalde de Nigrán transmitiu a disconformidade do Concello e dos veciños do Camiño do Pisco (A Ramallosa) con que tras levar a cabo a Xunta as obras para crear unha senda peonil na PO-340 se substituíse a liña discontínua por unha contínua á altura do seu camiño, o que lles obriga a desprazarse ata a rotonda de A Ramallosa para poder xirar cara a Gondomar.

    A alternativa que propón a Consellería para que os condutores non teñan que ir 1´2 km ata a Ramallosa e retroceder é crear unha semi-rotonda a escasos metros que lles posibilite virar con tódalas garantías. “Entenderon a nosa preocupación pero insisten en que os seus informes de seguridade alertan da perigosidade dese cruce nos meses de verán, cando se forma caravana na vía que limita moito a visibilidade e, por conseguinte, propoñen esta opción”, explica González.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS