Este ano o Nigrán Area brillou como nunca. Foi algo así como un oasis no auténtico deserto que supuña nun calendario baleiro de competicións. Así, logo da cancelación do pasado ano, a carreira cumpriu por fin o seu décimo aniversario. O reto que supuña esta edición obligaba a un esforzo extraordinario pero, organización e persoas voluntarias, foron quen de superalo.
Saídas escalonadas, agrupamentos, máscaras, valados e protocolos para que todo fora ben e con seguridade foron os elementos que permitiron que o público puidera gozar dunha auténtica festa do deporte mentres que as condicións meteorolóxicas tamén contribuíron con temperaturas suaves e ceo anubado, cunhas pingas para refrescar o ambiente.
Nesta ocasión, a organización optou por facer saír primeiro ás e aos participantes da carreira absoluta aproveitando as horas de menor ocupación da praia. Foron vencedores Carlos Enrique Gutiérrez (Rungalicia-Intersport) e Ana Marinho (Atletismo Braga). Os primeiros clasificados do club foron Íñigo Millán e Martín Valverde, sen esquecer a Antón García, o atleta máis veterano da competición.
Nas categorías de menores en Sub16 foron vencedores Lucas García e Carmen Carrera, en Sub14 Elías Paradelo e Marta Pereira-Borrajo, en Sub12 Xoel Franco e Lucía Ageitos, en Sub10 Fabián López e Lena Currás e en Sub8 Carla Docampo (S. A. Val Miñor) e Lucas Ageitos.
Absoluto masculino (7 Kms. de Panxón a Lourido)
- Carlos Enrique Gutiérrez – 19,54 min
- Emilio Pérez Groba – 20,13 min
- Pablo Vicente López 20,39 min
Absoluta Feminina (7 Kms. de Panxón a Lourido)
- 1ª Ana Marinho – 22.52´
- 2ª Sara Cunha – 23.15´
- 3ª – Carol Santos Villalón 24.56¨
Sub 16 Masculino
- Lucas García Picón
- Yago Iglesias Tumes
- Lino Paradelo
Sub 16 Feminina
- Carmen Carrera Veiga
- Celia Vila Figueroa
- Sofía Marujo
