10.2 C
Pontevedra
Venres, 29 de Marzo de 2024
Máis
    HomeVal MiñorNigránNigrán adquire 800 € en alimentación especial para os cans e gatos...

    Nigrán adquire 800 € en alimentación especial para os cans e gatos enfermos de ‘Baisenpulgas’

    Trátase de piensos e latas para animais con problemas renais ou gastrointestinais, todo adquirido nunha clínica local

    O confinamento provocado polo coronavirus e o conseguinte estado de alarma, vén de afectar de xeito moi directo ás asociacións protectoras de animais que miran como diminúen os seus recursos económicos e afrontan situacións, ás veces dramáticas, que poñen en perigo a supervivencia dos animais que teñen ao seu coidado. Ao igual que o Concello de Ponteareas que axudaba económicamente á protectora ‘Os Biosbardos’, Nigrán optaba por outro xeito de axuda a ‘Baisenpulgaqs’: entregar alimentos especiais para os cans e gatos enfermos e que teñen necesidades alimentarias específicas.

    Así, o Concello que preside Juan González facía entrega esta semana á protectora de animais do Val Miñor ‘Baisenpulgas’ alimentación por valor de 800 € para cubrir apropiadamente as necesidades básicas dos seus cans e gatos enfermos.

    O Concello atendeu así a demanda realizada en redes sociais por Baisenpulgas e adquiríu nunha clínica do municipio 90 kg de pienso e 72 latas de comida húmida para garantir durante os vindeiros meses a dieta especial que precisan os seus 8 cans e 2 gatos con problemas crónicos (a maioría con enfermidades gastrointestinais ou renais).

    “A crise sanitaria do Covid-19 tamén afecta á donación de alimentos ás protectoras e, consecuentemente, aos seus animais, especialmente aos enfermos, porque deben seguir unha dieta especial que ten un custe adicional, tal e como explicou a protectora en redes sociais”, subliña o alcalde, Juan González, quen engade que a compra do Concello está precisamente destinada a estes animais enfermos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.