17.7 C
Pontevedra
Xoves, 23 de Maio de 2024
Máis
    HomeVal MiñorNigránConcello de Nigrán, Comunidade de Montes e AVCD 'O Castro' de Chandebrito...

    Concello de Nigrán, Comunidade de Montes e AVCD ‘O Castro’ de Chandebrito recoñecen a colaboración da Xunta tralos lumes de 2017

    O Concello de Nigrán, a Comunidade de Montes e a AVCD “O Castro” de Chandebrito quixeron onte recoñecer a labor da Xunta de Galicia tras a vaga de lumes de 2017 coincidindo cos actos de celebración do terceiro aniversario daquel 15 de outubro. A delegada territorial da Xunta en Vigo, Marta Fernández-Tapias, recolleu na noite deste sábado, nun acto organizado na Igrexa de San Xosé de Chandebrito, o agasallo que acredita a implicación do Executivo autonómico na recuperación da zona así como nas medidas adoptadas e executadas para previr futuros lumes.

    Neste senso, o presidente da Comunidade de Montes de Chandebrito, Víctor Vidal, puxo en valor, entre outras actuacións, as obras realizadas na contorna do castro, ás que a Consellería de Medio Rural destinou 64.432,46 euros co obxectivo de protexer este xacemento e preservar as edificacións da zona de posibles desprendementos.

    Asemade, no marco da política forestal de mellora da prevención contra os lumes deseñada polo Executivo autonómico, Vidal recordou que se construíron dos novos depósitos de auga de alta capacidade para medios aéreos na parroquia de Chandebrito. Obras todas elas polas que Fernández-Tapias agradeceu o recoñecemento que recolleu de mans do alcalde da localidade nigranesa, Juan González.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.