15.5 C
Pontevedra
Sábado, 22 de Xuño de 2024
Máis
    HomeVal MiñorNigránCarla Andrade combina Nigrán e o Camiño en «Gravidade e Luz»

    Carla Andrade combina Nigrán e o Camiño en «Gravidade e Luz»

    O proxecto, incluído no proxecto «Camiño A Dentro» da Deputación de Pontevedra, amosa unha visión única do municipio costeiro, paso obrigado para chegar a Santiago polo Camiño Portugués da Costa

    O Camiño é unha combinación de momentos e ‘intersticios’ e Nigrán é un dos moitos puntos xeográficos polos que se debe pasar para alcanzar a meta. Este proxecto pretende retratar esta etapa do Camiño de Santiago atendendo a esas peculiaridades inmanentes da cotiandade deste lugar.

    Con estes argumentos, Carla Andrade ofrece unha visión única no seu proxecto ‘Gravidade e Luz’ que se presentará a veciñanza, peregrinos e peregrinas que percorren a ruta xacobea e visitantes, o venres 18 de outubro ás 19:30 horas no Auditorio Municipal de Nigrán.

    A autora

    Carla Andrade (Vigo, 1983) realizou residencias artísticas en Islandia, Suecia, Bilbao, A Rioxa, Nepal, Chile, Barcelona e París. Expuxo de forma individual no MAC da Coruña, na Cité Internationale des Arts de París, no Colegio de España en París, na Galería Trinta en Santiago de Compostela, no CDAN en Huesca, na Casa das Artes en Vigo e na Fundación BilbaoArte, entre outros.

    Tamén amosou colectivamente o seu traballo en centros de arte contemporánea coma o Museo Guggenheim de Bilbao, a 12 Star Gallery na Europe House de Londres, o MARCO de Vigo, o 104 de París ou a Sala Amadís en Madrid.

    A súa obra tamén estivo presente en festivais como o International Film Festival  (Rotterdam), PhotoEspaña (Madrid), Mois de la Photo (París), L’Alternativa (Barcelona), Porto/Post/Doc (O Porto) o Festival Internacional de Cine IBAFF (Murcia), Sangiò Verona Video Festival (Verona), aCinema (Milwaukee, EE. UU.), Filmadrid ou o (S8) (A Coruña).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.