18.7 C
Pontevedra
Luns, 24 de Xuño de 2024
Máis
    HomeVal MiñorBaiona"Agora ti" a nova campaña motivacional da piscina do Val Miñor

    “Agora ti” a nova campaña motivacional da piscina do Val Miñor

    A Piscina Mancomunada do Valmiñor que, tras o acordo entre Serviocio e a Mancomunidade, recuperou a temperatura da auga da piscina a 28,5 graos, anima a todo o mundo a reactivarse tras o nadal. Nesta época de reunións con amigos e familiares, na que algunhas veces cae nalgún exceso, volver a un estilo de vida san faise, aínda máis se cabe, imprescindible.

    Para axudar a conseguir este obxectivo, Serviocio puxo en marcha unha nova campaña baixo o reclamo “Agora ti. A túa motivación, a túa desconexión, o teu benestar”. Esta mensaxe non só incentiva a comezar a actividade física, senón que destaca os obxectivos tan diversos que se poden lograr coa actividade deportiva.

    A matrícula é gratuíta ata o 31 de xaneiro para todos aqueles que queiran acudir ao centro. Ademais, as familias contarán con vantaxes especiais no seu abono. Para máis información sobre esta promoción pódese consultar a web www.serviocio.es/ahoratu.

    Piscinas, salga fitness, sauna e baño de vapor son algunhas das zonas deste centro deportivo. Esta variedade permite que todos atopen o deporte que mellor se adapte a cada un. Nestes espazos desenvólvense multitude de actividades dirixidas como ciclo indoor, core, funtional ou pilates. Dispón tamén de servizos adaptados aos máis pequenos como a escola de natación.

    30 anos de Serviocio

    Ademais, este 2023 a xestora do centro deportivo de Valmiñor, Serviocio, cumpre 30 anos dedicados ao sector fitness. O grupo Serviocio comezou a súa andaina coa xestión dunha piscina municipal en Ferrol en 1993 e actualmente conta con 37 centros deportivos repartidos en 11 provincias españolas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.