8.7 C
Pontevedra
Xoves, 28 de Marzo de 2024
Máis
    HomeVal MiñorBaionaSabarís énchese de arte ata mediados de maio

    Sabarís énchese de arte ata mediados de maio

    Desde este sábado, 29 de abril,  e ata ao 14 de maio, durante quince días, Sabarís transfórmase nunha gran galería de arte. Máis de 500 obras de 50 artistas encherán de cor e maestría as rúas desta singular zona baionesa. Dos 50 artistas participantes na XV edición do Mercado de Arte de Sabarís, dez expoñerán unha mostra da súa obra nos escaparates dos negocios.

    Un plano mostrará a roteiro da arte en Sabarís que se poderá visitar a calquera hora do día.

    Do 12 ao 14 de maio completarase esta gran exposición no Multiusos Mercado de Sabarís onde estarán o resto dos artistas mostrando as súas obras.

    Así mesmo, tras o éxito da posta en marcha por primeira vez do I Certame de Pintura Rápida ao aire libre en Sabarís “Chicho Solveira”, a Asociación de Comerciantes e Empresarios de Sabarís (COEMSA) e  a Asociación de Empresarios e Comerciantes do Val Miñor (OVALMI) volven convocar este certame,  co que lembran a figura deste  veciño de Sabarís,”Chico Solveira”,  gran amante da pintura. O certame, que se celebrará o vindeiro domingo 14 de maio nas rúas deste lugar, tamén ten como obxectivo fomentar e espertar a creatividade artística a través da pintura.

    A temática versará sobre Sabarís en toda a súa extensión, deixando liberdade aos autores en canto a técnica e estilo. A execución será directa, diante do motivo ou do modelo natural. Non se permitirá o uso de fotografías, computadores, cámaras medios ou materiais gráficos.

    O concurso está aberto a todos os artistas que o desexen. A inscrición para participar na iniciativa deben facerse a través de correo electrónico escribindo á  dirección: coemsa2010@hotmail.com. O prazo permanecerá aberto ata o día 12 de maio de 2023, inclusive.

    Cada artista só poderá presentar unha obra e non poderá asinala ata o momento no que se coñeza o ditame do xurado.

    Estos días también estén programadas varias actividades entre as que se atopan:

    – Exposición: A MOVIDA VIGUESA, Explosión e creatividade con obras de Pedro Sardiña, Victor das Heras e textos de Emilio Alonso.

    – Conferencia BOTTO:NFs, Intelixencia artificial e comunidade, por Agustín Jamardo URBAN SKETCHERS, convocatoria a debuxantes.

    Premios II Certame de Pintura Rápida ao aire libre en Sabarís “Chicho Solveira”

    Establecéronse dous premios de 800€  e 400€ para o primeiro e o segundo  clasificados, respectivamente. Ademais, hai un Premio Especial categoría de 11 a 16 anos, para o mellor artista xuvenil, e outro premio á categoría infantil de 4 a 10 anos, consistentes nun diploma e en materiais de pintura, libros, didáctico.

    Presentación obras  II Certame de Pintura Rápida ao aire libre en Sabarís “Chicho Solveira”

    Cada participante levará o material que considere necesario para desenvolver o seu traballo, incluído o caballate onde se expoñerá a súa obra.

    O soporte presentarase o día do certame 14 de maio de 9:00 a 10:30 horas no Mercado de Arte de Sabarís (Multiusos Mercado de Sabarís, Praza Vitoria Cadavak, s/n), para ser selado. As medidas deste non poderán superar os 120 cm no seu lado maior e non poderán ser inferiores a 50 cm no máis pequeno. As medidas da categoría infantil son libres.

    O tempo para presentar as obras será ata as 18:00 h e realizarase nas oficinas do Mercado de Arte de Sabarís.

    O ditame do xurado coñecerase o mesmo día ás 20:00 h. As obras non premiadas estarán ao dispor dos autores para partir do ditame dos especialistas. O xurado que avalía as obras estará composto por profesionais das artes plásticas. As obras premiadas pasarán a ser propiedade de COEMSA, así como os dereitos de reprodución.

    Esta actividade encádrase dentro da programación do XV Mercado de Arte que se celebrará os próximos 12,13,14 de maio no Multiusos Mercado de Sabarís en horario de 11:00 a 21:00 horas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.