O Multiúsos de Sabarís no Concello de Baiona será escenario este domingo, 3 de decembro, da actuación protagonizada pola narradora Vero Rilo que porá en escena a obra “Cacho animalada” no marco do ciclo “Tornar ás táboas”, co que a Deputación de Pontevedra está a espallar o teatro por toda a provincia neste último trimestre do ano. A función, para gozar en familia, dará comezo ás 18:00 horas e a entrada será libre ata completar o aforo.
Dirixida a un público infantil e familiar, “Cacho animalada” trátase dunha narración con música de guitarra centrada nos contos de tradición oral, en versións libres e revisadas dos “Cuentos de Hadas” de Ángela Carter ou nos contos de autor que xa son clásicos de la literatura. Trátase de todo un repertorio acompañado de humor, rock, música, alegría y de animais que fan desta actuación un espectáculo fresco e para toda a familia.
Co ciclo teatral “Tornar ás táboas” a Deputación de Pontevedra está a achegar, desde outubro e ata finais de mes, un total de 49 funcións gratuítas e dirixidas a todos os públicos a outros tantos concellos da provincia de menos de 20.000 habitantes. Participan neste programa provincial trinta compañías de teatro galegas que están a ofrecer por toda a xeografía de Pontevedra unha ampla variedade de espectáculos.