7.6 C
Pontevedra
Venres, 29 de Marzo de 2024
Máis
    HomeVal MiñorBaionaO Concello de Baiona "lamenta e condena" os actos vandálicos desta fin...

    O Concello de Baiona “lamenta e condena” os actos vandálicos desta fin de semana

    O Concello de Baiona condena os actos vandálicos ocorridos durante a fin de semana no municipio contra o patrimonio vexetal e moble.

    O Concello lembra que Baiona “é de todos e todas  e pide que se coiden e respecten os espazos públicos e privados. Este tipo de incidentes, ademais de provocar estragos e sucidade nas infraestruturas, co seu consecuente custo económico, tamén provocan prexuízos aos baioneses e baionesas e aos que elixen a nosa vila para gozar do verán, xa que afectan directamente ás vías públicas que todos e todas disfrutamos”, destacou o alcalde, Carlos Gómez Prado.

    O concelleiro considera que este tipo de actos vandálicos non teñen cabida nunha localidade como Baiona.

    Os operarios municipais do Concello de Baiona procederon á primeira hora da mañá do domingo a realizar os labores de limpeza pertinentes para arranxar as rúas do municipio que sufriron os danos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.