21.5 C
Pontevedra
Venres, 19 de Abril de 2024
Máis
    HomeVal MiñorBaionaO CIM de Baiona amplía o horario de atención de servizo de...

    O CIM de Baiona amplía o horario de atención de servizo de asesoramento xurídico e psicolóxico gratuíto

    A Concellería de Igualdade do Concello de Baiona incrementa o horario semanal de asesoramento xurídico e asesoramento psicolóxico do Centro de Información á Muller (CIM). Con esta ampliación no seu horario de tarde espérase mellorar a atención cun mellor servizo as persoas usuarias.

    Este servizo atende a un importante número de mulleres cun trato profesional e moitas veces de acompañamento. Así, dentro desta dúas  áreas de atención realízanse un importarche número de intervencións de atención baixo previa cita a través do teléfono 986 35 75 54.

    As mulleres acoden por diferentes causas pero os problemas máis comúns son a violencia de xénero na contorna familiar, dificultades e reaxustes de parella, rupturas e problemas de carácter afectivo, e trastornos de ánimo por diversas causas. Tamén se atenden casos de problemas con fillos menores ou situacións de acoso e violencia en mozas.

    O CIM ofrece, de forma gratuita, asesoramento xurídico, atención psicolóxica, orientación profesional, información en materia de recursos sociais, asociacionismo e calquera outra consulta relacionada coa igualdade de oportunidades entre homes e mulleres.

    O servizo xurídico préstase, de luns a xoves  de 9 a 14 horas, ampliándose en horario de tarde os venres de 16:30h a 19:30h; mentres que o psicolóxico funciona en horario martes e venres de 9:00 a 13:30h, ampliándose en horario de tarde os xoves de 16:30 a 19:30h.

    O centro está aberto de luns a venres de 9 a 14:00h.

    A Concelleira de Igualdade do Concello de Baiona, Yasmina Moreira Costas, destacou a experiencia e a dedicación das profesionais que desempeñan o seu traballo no CIM de Baiona e a importancia deste servizo para as mulleres en particular e para toda a sociedade en xeral.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.