21.6 C
Pontevedra
Martes, 27 de Setembro de 2022
Máis
    HomeVal MiñorBaionaO campión de España de J80, Javier Aguado, coloca ao «Alboroto» na...

    O campión de España de J80, Javier Aguado, coloca ao «Alboroto» na cabeza da «Liga de Inverno»

    O veleiro armado por Juan Carlos Ameneiro e liderado polo campión de España Javier Augado elevouse todo o máis alto da clasificación da competición tras a celebración das primeiras probas hoxe en Baiona

    O Alboroto converteuse na tarde do sábado, en Baiona, no primeiro líder da liga de Inverno J80 tras impoñerse ao resto de veleiros na xornada inaugural da competición que organiza o Monte Real Club de Iates. O veleiro armado por Juan Carlos Ameneiro e patroneado polo campión de España Javier Augado, logrou elevarse todo o máis alto da clasificación tras asinar un segundo e un primeiro posto nas dúas probas celebradas na baía.

    A competición non puido empezar puntual por mor dun vento frouxo que non axudou na preparación do campo de regatas, pero unha vez asentado en intensidade e dirección, e colocadas as boias para os percorridos barlovento sotavento, a frota puido navegar cuns cinco nós de media.

    Clicar na galería para ampliala

    Completáronse dúas mangas de dobre volta entre boias, o que supuxo catro tramos con dúas cinguidas e dúas popas, en dous percorridos que o comité de regatas se vió obrigado a acurtar para que a frota puidese completar as probas en tempo.

    A primeira proba foi para o Alboroto patroneado por Javier Augado e o Okofen de Javier de la Gándara quedou segundo. E na segunda proba investíronse os resultados. Alboroto e Okofen foron, sen dúbida, os protagonistas dunha xornada que finalizaron empatados a 3 puntos en primeira e segunda posición respectivamente.

    A tripulación do Pazo de Cea, patroneada por María Campos, completa o podio provisional con 10 puntos, seguida moi de preto polo Cansino de Fernando Yáñez, con 11 puntos, e o Maija de José Luis Pérez con 13.

    Na xornada inaugural da liguiña de monotipos do Monte Real empezaron a aplicarse xa os xuízos directos na auga, que é unha das novidades desta edición. Por sorte, todas as regatas disputáronse sen incidencias de relevancia.

    A liga de Inverno J80 volverá a Baiona o 8 de febreiro coa segunda xornada do total de cinco etapas programadas, que se prolongarán ata o próximo mes de abril.

    Liga de Inverno J80 · Top 5

    1. Alboroto · Javier Aguado · 3 Puntos
    2. Okofen · Javier De La Gándara · 3 Puntos
    3. Pazo De Cea · María Campos · 10 Puntos
    4. Cansino · Fernando Yáñez · 11 Puntos
    5. Maija · José Luis Pérez · 13 Puntos

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS