7.6 C
Pontevedra
Venres, 29 de Marzo de 2024
Máis
    HomeVal MiñorBaionaO Barbeira Season Fest, encargado de promocionar Baiona en Madrid

    O Barbeira Season Fest, encargado de promocionar Baiona en Madrid

    O Barbeira Season Fest, que se celebrará en Baiona do 7 ao 11 de xuño, promocionaráse esta fin de semana en Madrid. Este domingo, a organización do festival encherá de contido Caleido, a nova zona de moda da capital situada no corazón do Distrito Financiero Cuatro Torres, con propostas para todas as idades.

    Dende as 12:00 h, o público poderá participar das actividades pensadas para gozar en familia como o concerto repaso á historia do rock guiado polo xornalista Javier Becerra, a sinatura de discos do artista Joe Crepúsculo, o showcase de Dani, unha expo fotográfica de Mateo H. Soto ou mesmo o piano xigante da película Big, entre outros contidos. Ademais, o festival anunciará algunhas confirmacións de grupos para o 2024 e promocionará a través de videos Baiona e toda a provincia de Pontevedra dende unha perspectiva turística.

    Isaac González, director do Barbeira Season Fest, comenta que “a principal  motivación de levar o Barbeira a Madrid é dar a coñecer, máis se cabe, o lugar no que se celebra”. “Baiona é un lugar fascinante emprazado nunha provincia cunha proxección turística única e queremos contribuir a que se saiba fóra”, conclúe.

    O cartaz deste ano e a venda de abonos

    Xoel López, Iván Ferreiro, Triángulo de amor bizarro, os portugueses Capicúa e os grupos emerxentes do panorama indie de dentro e fóra de Galicia Margarita quebrada, Anabel Lee, Xenia, Firmado, Carlota, Lusillón, Aeronave adolescente, Visions of Johanna, Sr. Jingles, Habitación Vudú, Tarde a todo e Señora DJ, son os grupos confirmados para esta nova edición do Barbeira Season Fest coa que o festival de Baiona cumpre o seu 5º aniversario.  

    O público que queira asistir ao Barbeira Season Fest pode mercar xa o abono na súa web. Ademais, todas as persoas usuarias do Carné Xove poderán mercar as entradas ao Barbeira Season Fest cun 15 % de desconto.

    O festival contará unha vez mais co apoio da Xunta de Galicia, Deputación de Pontevedra, a Concellería de Cultura do Concello de Baiona, e Vibra Mahou, a plataforma de música de Mahou Cinco Estrellas que crea encontros en torno ao directo. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.