14 C
Pontevedra
Sábado, 15 de Maio de 2021
Máis
    HomeVal MiñorBaionaCanarias e Galicia manteñen a loita pola Liga Española de Vela

    Canarias e Galicia manteñen a loita pola Liga Española de Vela

    A ‘Liga Española de Vela–Trofeo Loterías y Apuestas del Estado’ enfilou este sábado a súa recta final en Baiona tras a celebración da segunda xornada de probas, nas que a tripulación do Real Club Náutico de Arrecife, que viña líder da primeira rolda, logrou manterse na cabeza.

    A de hoxe foi unha xornada completa e complicada na baía de Baiona. Completa porque a frota puido disputarse as 10 probas previstas (co que xa suman un total de 18) no programa de regata; e complicada pola meteoroloxía, que volveu deixar importantes chuvascos, que atrasaron a montaxe do campo de regatas e o inicio das probas. Por sorte, o vento si axudou ás tripulacións e puxo emoción á xornada, soprando con entre 12 e 14 nós de media e refachos de ata 18-20 nós, e manténdose do sur, bastante estable durante toda a rolda.

    Con estas condicións, a tripulación do Real Club Náutico de Arrecife logrou manterse no máis alto do podio parcial tras asinar dous primeiros e dous segundos postos nas regatas disputadas hoxe, e acabando a xornada con 24 na clasificación xeral provisional.

    Os lanzaroteños van líderes seguidos moi de preto polo equipo do Real Club Náutico da Coruña, patroneado por Miguel Fernández, que hoxe, do mesmo xeito que fixese na xornada inaugural, volveu selar dous primeiros postos e axéxaos desde a segunda posición con 28.91 puntos.

    Tampouco hai cambios no terceiro posto da clasificación, no que se mantén a tripulación do Real Club Náutico Gran Canaria, con 30.82 puntos. Esa axustada separación de puntos entre os tres primeiros clasificados será a que vai garantir, mañá domingo, a emoción para a última rolda.

    Destacada foi tamén a actuación hoxe do equipo de casa. A tripulación do Monte Real Club de Iates, liderada por Fernando Yáñez, asinou un primeiro, tres segundos e dous terceiros postos, o que lle permitiu subir da sexta á cuarta posición, situándose ás portas do podio.

    A ‘Liga Española de Vela–Trofeo Loterías y Apuestas del Estado’ concluirá o seu paso por Baiona mañá domingo coa celebración das probas definitivas na auga e a posterior entrega de premios ás tripulacións que resulten gañadoras. Será, unha vez máis, unha xornada de todos contra todos nas últimas 10 mangas do tipo barlovento sotavento que acabarán por definir o podio de gañadores.

    O Monte Real Club de Iates, organizador da competición por delegación da Real Federación Española de Vela, poñerá o punto e final ao evento albergando nas súas instalacións a entrega de premios, á que asistirán o presidente do club, José Luis Álvarez; o presidente da Federación Galega de Vela, Manuel Villaverde; o alcalde de Baiona, Carlos Gómez; o xefe provincial de Deportes da Xunta de Galicia, Daniel Benavides; e o deputado provincial de Deportes, Gorka Gómez. A entrega dará comezo ás catro e media da tarde.

    Clasificación Xeral (Top 5) tras a segunda xornada

    1. Real Club Náutico De Arrecife (Lanzarote) – Leonardo Armas – 24 Puntos
    2. Real Club Náutico Da Coruña – Miguel Fernández – 28.91 Puntos
    3. Real Club Náutico De Gran Canaria – Onán Barreiros · 30.82 Puntos
    4. Monte Real Club De Iates (Baiona)· Fernando Yáñez – 37.09 Puntos
    5. Real Club Náutico De Palma (Mallorca) – Pedro Marí – 40.98 Puntos

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS