O auditorio municipal V Centenario, situado na rúa Santísima Trinidade (Baiona), acolle este venres 21 de outubro ás 20:00 h a proxección do documental “La Cárcel de los curas”.
A peza visual trátase dunha reportaxe vasca de 2021 de Oier Aranzabal, Ritxi Lizarta e David Pallarés que narra a historia da viaxe real ao que foron sometidos 53 relixiosos de Madrid, Galicia, Cataluña e País Vasco no seu traslado forzoso ao devandito penal de Zamora, que foi o único cárcere de curas do mundo. Á proxección acudirán os seus directores e algún dos relixiosos represaliados co fin de establer un coloquio posterior.
Con esta actividade, o Concello de Baiona, a través da Concellería de Cultura, continúa coa programación especial polo Mes da Memoria Histórica, unha programación dedicada en exclusiva a preservar á memoria histórica como ven facendo desde o ano 2019.
