11.8 C
Pontevedra
Domingo, 24 de Outubro de 2021
Máis
    HomeVal MiñorBaionaBaiona presentou hoxe a campaña de promoción do comercio local no Nadal...

    Baiona presentou hoxe a campaña de promoción do comercio local no Nadal que repartirá máis de 10.000 euros en premios

    O alcalde de Baiona, Carlos Gómez Prado, acompañado por representantes da Asociación de Comerciantes e Empresarios de Baiona (ACEBA) presentou este venres a campaña de promoción do comercio local que se desenvolverá dende hoxe e ata o día 10 de xaneiro baixo o lema ‘Este Nadal, non te distancies do Comercio Local de Baiona’. A iniciativa repartirá 10.000 euros en premios entre os veciños e veciñas que mequen entre os preto do centenar de establecementos adheridos á campaña.

    A iniciativa organizada polo Concello de Baiona e a ACEBA, poñerá en circulación entre os establecementos participantes, 20.500 rascas dos que 650 deles teñen premios para que as clientas e clientes agraciados empréguenos á hora de comprar nos comercios adheridos á campaña. Todos os establecementos adheridos procederán á entrega dun cupón por compras superiores a 20 € ata un máximo de 4 cupóns por compra.

    Estes vales poderán ser trocados polo cliente en calquera momento da campaña, desde o seu inicio, e ata o 31 de xaneiro de 2021. Despois desta data, os premios que non foran trocados serán destinados á Concellería de Benestar Social do Concello para destinar a fins sociais no municipio. Os tíckets terán a opción de marcar directamente o recadro de Benestar Social para que o premio sexa destinado directamente.

    “Os comercios de Baiona son un dos motores da economía do noso pobo”, afirmou Carlos Gómez na presentación da campaña. “A proximidade e o trato familiar que ofrecen aos veciños e veciñas, xunto á creación de riqueza, emprego e a fixación de poboación, incrementan o seu valor”. Precisamente para limitar o impacto que a pandemia de coronavirus sobre o comercio ponse en marcha esta campaña que anima a seguir comprando nestes establecementos habituais. “Os nosos comerciantes, como moitos sectores, están a pasar momentos moi complicados e facer as nosas compras nestes establecementos é apostar pola riqueza e o emprego de Baiona”, sinalou o alcalde.

    “Puxemos en marcha a campaña municipal máis potente ata o momento porque somos conscientes de que a situación é especialmente dura para os pequenos negocios. Esta campaña é un importante impulso e unha posta en valor do comercio e das empresas locais, non só polo beneficio económico que xerará, senón tamén pola solidariedade e colaboración de todas as empresas vinculadas ao municipio con este concello para a realización desta campaña”, apuntou o rexedor local que tivo unha mención especial de agradecemento para ACEBA “que se envorcou desde o primeiro momento que o Concello fíxolle chegar a iniciativa”.

    Carlos Gómez indicou que esta campaña pretende “que a cidadanía valoren o trato de persoal e de proximidade que se ofrece no comercio local, nas tendas dos nosos barrios e co que ademais se enche de vida o municipio nestas datas tan sinaladas”.

    Desde o Consistorio tamén se deseñou unha ampla programación de actividades de Nadal. O BaiNadal tamén axudará a dinamizar as rúas da vila xunto coa iluminación do Nadal que se acendía hoxe ás 18:00 h.

    O primeiro edil animou aos veciños e veciñas e visitantes a “comprar os agasallos deste nadal nas tendas de Baiona e á vez gozar dun café ou un refresco nos nosos establecementos hostaleiros cumprindo coas medidas de seguridade que marcan as autoridades sanitarias”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS