7.5 C
Pontevedra
Mércores, 8 de Febreiro de 2023
Máis
    HomeVal MiñorBaionaBaiona pon en marcha a campaña ‘En negro contra as violencias’

    Baiona pon en marcha a campaña ‘En negro contra as violencias’

    O Concello de Baiona súmase, por segundo ano consecutivo, ao protocolo de colaboración para a organización conxunta da campaña de sensibilización “En Negro contra as violencias”, no marco do Día Internacional contra a Violencia de Xénero, o próximo 25 de novembro, coa que se pretende tinguir de negro as vilas e cidades galegas. O desenvolvemento desta campaña enmárcase dentro da programación “Novembro Lila” organizada pola Concellería de Igualdade, unha programación que trae consigo un mes dedicado a actividades contra a violencia á muller non Concello de Baiona.

    O concello adheriuse o ano pasado por primeira vez á campaña “En negro contra as violencias”. Así, a iniciativa do Centro de Información as Mulleres (CIM) do Concello de Baiona, contou co respaldo de numerosos establecementos baioneses.

    O acto de presentación da campaña tivo lugar esta mañá na praza do concello. Baixo o lema “Baiona En Negro” desde o Concello anímase de novo ao sector do comercio a implicarse nesta edición convertendo a localidade nun gran escaparate que transmita unha mensaxe de rexeitamento da violencia de xénero e solidariedade coas vítimas.

    Dada a situación actual derivada da crise sanitaria da Covid-19 este ano “En Negro Contra as Violencias” fundamenta a súa campaña no activismo virtual. A idea é que os participantes utilicen os materiais entregados o ano pasado entre o 19 e o 25 de novembro, aproveitando calquera actividade para sacar unha foto vestidos de negro e para subila ás redes sociais (Facebook, Twitter ou Instagram) cos seguintes hashtags: #BaionaEnNegro, #BaionaEnNegro20, #EnNegroContraAsViolencias, #ContraAsViolenciasMachistas, #ContraAsViolencias, etiquetando aos perfís da Concellería de Igualdade,@IgualdadeBaiona.

    Este ano como novidade repartiranse mascarillas no Mercado da Praza de Abastos de Baiona e na Praza de Sabarís. Todos aqueles establecementos que necesiten nova cartelaría para sumarse á campaña poden recollela no Centro Ángel Bedriñana, sito na rúa Carabela Pinta número 9. O centro está aberto en horario de 08:00 a 22:00 h de luns a venres de forma ininterrumpida.

    Outra novidade é que se repartirán marcapáginas para a comunidade educativa que participou no proxecto “Non Cales”. Un proxecto impulsado desde a concellería,  a través do Centro de Información á Muller, no que os centros educativos municipais  tiveron como obxectivo romper o silencio contra a violencia de xénero.

    “Desde o Concello queremos animar ao sector do comercio a implicarse nesta conmemoración baixo o lema “Baiona en negro”; vestindo de loito o pobo, en sinal de dor por todas as mulleres que sofren violencia, logrando así un gran escaparate que pode transmitir á cidadanía a mensaxe de denuncia e solidariedade: Queremos Baiona libre de violencia machista!, sinalou o Alcalde, Carlos Gómez Prado.

    Pola súa banda, a Concelleira de Igualdade, Yasmina Moreira Costas, comentou que “Todo o que se faga é pouco para a loita contra as violencias machistas. Campañas como a que hoxe presentamos serven para dar visualización e para que as vítimas sintan ese apoio tan necesario. Pero necesitamos máis educación e recursos na loita contra a lacra das violencias machistas”.

    O acto central da programación “Novembro Lila” na que se enmarca esta campaña terá lugar o vindeiro martes, 25 de novembro, ás 12:00 horas, na praza do Concello de Baiona.

    Con todo a responsable da Concellería de Igualade anima a todos os veciños e veciñas a unirse a esta campaña con calquera detalle, “por pequeno que sexa”.  

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS