17.1 C
Pontevedra
Luns, 20 de Setembro de 2021
Máis
    HomeVal MiñorBaionaBaiona e Tomiño entre os municipios que recibirán axudas da Deputación para...

    Baiona e Tomiño entre os municipios que recibirán axudas da Deputación para infraestructuras, emprego e actuacións de desenvolvemento sostible

    As achegas financiarán investimentos do Plan Concellos, os contratos en prácticas de máis de 100 persoas co “O teu primeiro emprego” e a renovación sustentable da iluminación exterior nos municipios

    A Xunta de Goberno da Deputación de Pontevedra aprobou hoxe novos investimentos para os concellos da provincia por case seis millóns de euros (5.916.722,25€). Da citada cantidade, 2,2 millóns corresponden a achegas do Plan Concellos, 654.600 euros son para a contratación de 111 persoas no marco do programa de fomento de empregabilidade “O teu primeiro emprego” nos concellos, e os 3 millóns restantes permitirán a 43 municipios realizar obras de renovación sostible das instalacións de iluminación exterior ao abeiro das convocatorias do Ministerio para a Transición Ecolóxica a través do IDAE.

    No que atinxe ao Plan Concellos, a presidenta Carmela Silva informou que as achegas da Liña 1 de Investimentos, de 1,8 millóns de euros, permitirán aos municipios de Baiona, O Grove, Tomiño, Vilagarcía, Vila de Cruces, Meaño, Moaña e Sanxenxo levar a cabo distintas obras de mellora de firmes, pavimentación de viarios, saneamento, humanizacións, renovación do alumeado público e proxectos de urbanización entre outros. Deste xeito, destínanse 109.589,29 euros a Baiona para financiar a pavimentación da zona dos Tendais, outros 105.918,44 euros serán para que O Grove realice a humanización do contorno do Sineiro (Fase I), Tomiño contará con 140.006,3 euros para a mellora da rede de saneamento no entorno de Vilachán, Vilagarcía de Arousa recibirá 230.384 euros para a humanización da rúa Camilo José Cela e Vila de Cruces disporá de 178.258,95 euros para a renovación das instilacións de alumeado público coa redución de emisións de CO2. Pola súa banda, Meaño contará con dúas achegas dun total de 357.333 euros para a ampliación e pavimentación dos camiños de Vilaxuega e Abuín, e Moaña recibirá outras dúas achegas valoradas en 419.576,79 euros para o proxecto de urbanización Polígono 11 e para a mellora do parque infantil da praia no termo municipal de Moaña. Así mesmo, para Sanxenxo aprobouse unha subvención de 216.272,98 euros para a mellora do viario de acceso á capela de O Santo, en Nantes.

    Amais, a Xunta de Goberno aprobou unha nova relación de subvencións ao abeiro da Liña 2 do Plan, por importe de 241.703,82 euros, coas que os concellos de Cambados, Gondomar, O Grove, Nigrán, Poio, Ponteareas, Redondela e Soutomaior poderán realizar tarefas de limpeza e mantemento de distintos servizos municipais  e tamén financiar actividades de índole cultural e deportiva. No caso de Soutomaior abordará con esta achega os pagos de facturas e outros gastos derivados da crise da Covid-19. Por último, no que se refire á Liña 3 de Emprego, a Deputación aprobou a modificación, por reaxustes da Covid-19, dunha achega de 208.613,88 euros para que o Concello de Cerdedo-Cotobade poida contratar a un total de 24 traballadores e traballadoras.

    “O teu primeiro emprego” nos concellos

    Carmela Silva tamén deu conta da aprobación da relación de concellos seleccionados para participar en “O teu primeiro emprego 2020”. En concreto, son 44 concellos nos que realizarán prácticas 111 titulados/as, 73 contratos destinados a persoas con titulación universitaria e 38 para persoas tituladas en ciclos superiores de FP. A contía total da subvención da Deputación para estes contratos é de 654.600 euros.

    Os perfís que en maior medida solicitaron os concellos foron o de diplomatura ou grao en Xestión e Administración Pública e diplomatura ou grao en Traballo Social, no caso das persoas universitarias; e no caso de FP, buscan sobre todo persoas tituladas nos ciclos superiores de Administración e Finanzas, e Guía, Información e Asistencias Turísticas. Os concellos seleccionados son: Barro, Bueu, Caldas, Campo Lameiro, Cangas, A Cañiza, Catoira, Cerdedo-Cotobade, Covelo, Crecente, Cuntis, A Estrada, Forcarei, O Grove, A Guarda, A Illa de Arousa, A Lama, Marín, Meaño, Meis, Moaña, Mondariz-Balneario, Moraña, As Neves, Nigrán, Pazos de Borbén, Ponteareas, Pontecesures, O Porriño, Portas, Redondela, Ribadumia, Rodeiro, O Rosal, Salvaterra de Miño, Sanxenxo, Silleda, Soutomaior, Tomiño, Tui, Valga, Vila de Cruces, Vilagarcía de Arousa e  Vilanova de Arousa.

    Renovación iluminación sustentable

    Por último, a Xunta de Goberno vén de aprobar o expediente de contratación para a adxudicación das “Obras de renovación das instalacións de iluminación exterior”, cun orzamento de 3.054.462,15 euros. Estas obras, que contan co financiamento a través dos fondos FEDER de crecemento sostible 2014-2020, favorecerán o paso a unha economía baixa en carbono. A actuación comprende a renovación do alumeado público exterior nos concellos mediante a substitución das luminarias actuais por outras LED máis eficientes.

    As obras divídense en cinco lotes e abranguen 43 concellos da provincia: Barro, Caldas de Reis, Cambados, A Guarda, Meis, Nigrán, Portas, Rodeiro, Salvaterra de Miño, Tui no lote 1; Arbo, Covelo, Crecente, Meaño, As Neves, Oia, Poio, Pontecesures, Porriño, Silleda, Tomiño e Vilanova de Arousa no lote 2; Baiona, Cuntis, Fornelos de Montes, O Grove, A Illa de Arousa, Moaña, Mondariz, Moraña, Mos, Pazos de Borbén, O Rosal e Soutomaior no lote 3; e Bueu, Campo Lameiro, Cerdedo-Cotobade, Dozón, Gondomar, A Lama, Mondariz-Balneario, Salceda de Caselas e Valga no lote 4. No lote 5 inclúense proxectos de alumeado nos Bens de Interese Cultural (BIC) dos concellos de Baiona, Caldas de Reis, A Guarda, Meis, Poio, Salvaterra de Miño e Vilanova de Arousa. Nestes sete concellos actuarase en 370 puntos de luz para mellorar o alumeado dos BIC, o que supoñerá un aforro enerxético medio do 81,14%.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS