13.9 C
Pontevedra
Sábado, 22 de Xuño de 2024
Máis
    HomeVal MiñorBaionaBaiona convoca o XVII Concurso de Pesca Deportiva Infantil

    Baiona convoca o XVII Concurso de Pesca Deportiva Infantil

    A Concellería de Deportes e Actividades Marítimas do Concello de Baiona, dentro da programación deportiva das Escolas Deportivas de Verán 2019, vén de convocar unha nova edición do concurso de iniciación á pesca deportiva infantil.

    O torneo nace do curso de iniciación á Pesca Deportiva que se organiza e ano tras ano vai crecendo en acollida tanto dos e das participantes coma nas súas familias, polo que o Concello de Baiona considera interesante darlle continuidade.

    O XVII Torneo de Pesca Deportiva Infantil desenvolverase o día 16 de agosto a partir das 17:30 horas ata as 19:30 horas nas instalacións do porto pesqueiro de Baiona.

    O torneo distribúese mas categorías Sub 8, Sub 12 e Sub 16, sendo categorías mixtas o que permite a todos/ as os interesados en participar, entregando ademais un agasallo conmemorativo pola súa participación a todos os asistentes.

    O Torneo está totalmente subvencionado a través da Concellería de Deportes do Concello de Baiona que xestiona Miriam Costas que subliña o feito que “dado que o número de prazas é limitado, animamos aos interesados e interesadas formular as inscricións canto antes”.

    Para inscribirse deberán dirixirse ao Pavillón Municipal de Baiona ou chamar ao teléfono 986 356 558. Tamén poden facelo a través do correo electrónico deportes@baiona.org

    Os requisitos para a participación así como o regulamento do presente Torneo están no Pavillón Municipal dos deportes de Baiona.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.