4.5 C
Pontevedra
Domingo, 28 de Novembro de 2021
Máis
    HomeVal MiñorBaionaBaiona aposta pola memoria histórica e o teatro no seu programa cultural...

    Baiona aposta pola memoria histórica e o teatro no seu programa cultural de outono

    Despois dun intenso verán onde o Concello de Baiona ofreceu un sen fin eventos de todo tipo chega unha nova a programación para gozar da cultura no outono.

    Este completo programa, organizado pola Concellería de Cultura de Baiona, combinará diversas disciplinas culturais. Ademais, en outubro, haberá unha programación dedicada en exclusiva á memoria histórica: un concerto pola memoria histórica do compositor e músico Seso Durán, quen interpretará temas do seu traballo Son da Memoria e un taller de música represaliada de Xurxo Soutoque pretende servir para tomar conciencia de como o imaxinario que impuxo a ditadura franquista segue definindo o presente.

    Así mesmo, a finais deste mesmo terá lugar o Circuíto Galego de Teatro Amador.

    A primeira das actividades terá lugar o próximo 22 de outubro no auditorio municipal V Centenario ás 21:00h. Trátase da obra de teatro cómico Feminísimas, unha representación que parte dun congreso feminista na cidade de Vigo. Tres amigas da adolescencia que hai anos que non se ven. Tres amigas que teñen tres xeitos ben distintos de entender o “feminismo”… Por exemplo: feminismo radical, feminismo liberal e teoría queer.

    Esta é a base de Feminísimas, unha peza con altas doses de humor, ironía e complicidade para poñer a amizade a proba mentres analizamos -dende a comedia- de que maneira as mulleres estamos a con-vivir neste novo mundo feminista no que nos atopamos mergulladas.

    O sábado 23 de outubro o auditorio municipal acollerá ás 21.00 horas, un concerto pola memoria histórica no que o compositor e músico Seso Durán, acompañado de catro músicos máis, interpretará temas do seu traballo Son da Memoria. Deste xeito, o Concello de Baiona continúa coa programación da memoria histórica que iniciou o equipo de goberno actual.


    Xosé Manuel Durán, coñecido a nivel artístico como Seso Durán, asegura que o seu traballo Son da Memória naceu do contacto que tivo na súa infancia con persoas vítimas da represión.

    “Está centrado nas persoas que sufriron esa dor, do contacto directo que tiven de pequeno coas súas historias, estou seguro que sen ese contacto eu non sería quen de realizar este traballo”, asegura o músico e compositor.

    Trátase dun disco escrito e producido polo propio artista e xira ao redor do que aconteceu a partir do golpe de estado de 1936, especialmente nas comarcas de Pontevedra, Ou Morrazo e Vigo.

    O domingo, 24 de outubro, ás 20:00h no mesmo espazo celebrarase un concerto da Orquestra de Cámara Galega, un concerto de cámara no que será incluída música de compositores galegos, facendo especial incidencia na obra do mestre Rogelio Groba e que incluirán unha acción especial que poráen en valor os 26 anos na escena musical da Orquestra de Cámara Galega.

    A última semana de outubro, o xoves 28, ás 20:00h, no Multiusos Mercado de Sabarís terá lugar o taller de música represaliada deXurxoSoutoque pretende servir para tomar conciencia de como o imaxinario que impuxo a ditadura franquista segue definindo o presente. Buscarase descubrir o esplendor musical que lle roubaron á sociedade facendo un percorrido polos proxectos musicais destruídos tras o golpe de estado do 36 e reivindicar a dignidade das e dos artistas que sufriron a represión.

    O Circuíto Galego de Teatro Amador 2021 chegará á Vila os días 30 e 31 de outubro e 1 de novembro. Todas as funcións serán representadas no Auditorio V Centenario e unha delas nos xardíns da Casa da Navegación.

    O Circuíto Galego de Teatro Amador da FEGATEA (Federación Galega de Teatro Afeccionado) consiste nunha programación de catro funcións teatrais por sede. Este catro espectáculos son repartidos por toda Galicia. Desta forma, preténdese que as compañías actúen fora do seu círculo xeográfico. Ademais, esta iniciativa promove a mobilidade xeográfica dos grupos de teatro.

    As catro funcións das que poderemos gozar en Baiona son:Confinados, Historias pequenas de xente que non lle importa a ninguén , Mouras e Nobeiros e Un vals para Cincinati.

    A primeira obra do programa é Confinados da compañía A Tequerete que será posta en escena o sábado 30 de Outubro ás 20:00 horas. Trátase dunha comedia das situacións vividas nestes anos de pandemia.

    Ademais, o domingo 31 de outubro teremos dobre programación. En primeiro lugar os xardíns da Casa da Navegación acollerán ás 12:00 horas a Lohengrin Teatro que nos lembrarán que é Xamain cos seus contos Mouras e Nobeiros. Ás 20:00 horas no Auditorio V Centenario de Baiona será a quenda de Teatro Antas De Ulla. Esta compañía faranos gozar coa súa obra Historias de xente que non lle importa a ninguén.

    Por último, o luns 1 de Novembro, festivo,Novo Teatro do Ar, pechará a programación coa obraUn vals para Cincinatitamén no auditorioás 20:00horas.

    “Esta programación foi deseñado co obxectivo de desestacionalizar as actividades culturais e de lecer e promocionalas durante todo o ano, optimizando recursos, dinamizando á súa vez a actividade socioeconómica do municipio e para o goce de toda a cidadanía” , sinala o Alcalde, Carlos Gómez Prado.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS