11.5 C
Pontevedra
Venres, 9 de Decembro de 2022
Máis
    HomeVal MiñorBaionaBaiona acollerá a II edición do Blue Atlantic Forum

    Baiona acollerá a II edición do Blue Atlantic Forum

    A segunda edición do FORO ATLÁNTICO AZUL, organizado polo Concello de Baiona, celebrarase no Parador de Baiona os vindeiros 19-20-21 de outubro; tres días de reflexión e análise centrados en tres sectores de vital importancia na economía azul e claves para o desenvolvemento sostible de Galicia: a pesca e a acuicultura, a biotecnoloxía mariña e o turismo costeiro.

    “Se hai unha cor que identifica a Baiona, ademais do verde é o azul. Os seus kilómetros de costa que miran ao Atlántico marcan a estreita relación desta vila co mar. Unha vila que sempre foi mariñeira. Neste momento onde a situación económica obriga a reinventarse, o Concello aposta por novos conceptos como a economía azul, que pode convertirse nun dos principais impulsores do crecemento de Europa no futuro”, segundo sinala o alcalde,  Carlos Gómez Prado.

    Grazas á organización desta segunda edición, financiada polo Galp Ría de Vigo-A Guarda, o Concello de Baiona reforza a súa posición como destino azul por excelencia dentro do panorama autonómico e nacional, tanto pola súa situación xeográfica como pola súa importancia económica das empresas dos sectores consolidados e emerxentes da economía azul na súa contorna.

    Tras o éxito da primeira edición, celebrada en novembro do ano pasado, Baiona volverá reunir a ducias de profesionais e expertos de toda Galicia e tamén doutras comunidades e mesmo doutros países como Portugal ou Chile nun foro de debate e posta en común sobre as oportunidades arredor da economía azul desde unha perspectiva atlántico-europea.

    Todo o mundo sabe que Galicia é unha potencia mundial na pesca e na acuicultura. Na primeira xornada do foro analizarase a sustentabilidade e o futuro do sector, con especial atención á pesca artesanal. A certificación do peixe para reforzar a súa calidade e tamén as posibilidades de financiamento de proxectos pesqueiros neste marco tamén se tratará o próximo 19 de outubro no inicio deste encontro no que participarán produtores e representantes de organizacións do sector.

    A segunda xornada estará dedicada á biotecnoloxía mariña, un sector emerxente e con grandes oportunidades para a economía galega. Debaterase do potencial das rías galegas coa presenza de numerosos exemplos de innovación no sector, tanto locais como doutros lugares.

    O turismo de costa, do que Galicia é un referente azul grazas á súa peculiar hidrografía e espectaculares paisaxes, é o protagonista da clausura do foro. Varios expertos aportarán a súa visión para facer máis atractivos os destinos costeiros, innovando mantendo a sustentabilidade e debatendo se a sobreexplotación dalgúns destinos xa é un fenómeno irremediable.

    O foro está aberto e a inscrición para seguilo tanto presencialmente como online é gratuíta para os interesados, que poden inscribirse a través de Ataquilla, xa que as prazas para acudir ao Parador son limitadas. Toda a información sobre o contido e o programa do foro pódese atopar na páxina web https://blueatlanticforum.org/.

    *Pódese asistir de forma física (prazas limitadas) e online dende o enlace de Ataquilla.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS