Imaxe de arquivo do programa “Cultiva a Mente” en Gondomar
O Concello de Baiona leva as parroquias do municipio o programa de prevención ao deterioro “Cultiva a Mente”.
A actividade está dirixida a persoas maiores de 55 anos sen deterioro cognitivo, interesadas na prevención do deterioro cognitivo e o coñecemento do envellecemento activo.
O obxectivo é o fomento de hábitos saudables dende un enfoque activo e positivo en áreas cognitivas, emocionais, funcionais e sociais como precursor dun axeitado mantemento de vida independente nas persoas adultas maiores participantes.
A metodoloxía é activa e dinámica, sempre cunha explicación e capacitación da funcionalidade e obxectivo de cada serie de exercicios e propostas.
Itinerario das sesións:
- Acollida
- Información e formación teórica sobre hábitos e capacidades
- Desenvolvemento de actividades e exercicios de base cognitiva
- Desenvolvemento de actividades e exercicios de base funcional e motriz
- Desenvolvemento de actividades emocionais e sociais
- Peche: planificación da próxima sesión e proposta de actividades a domicilio
As sesións desenvolveranse entre Outubro 2022 e Xuño 2023, realizaranse unha vez por semana e teñen unha duración de unha hora e media, serán impartidas polo equipo técnico de AFAGA.
A actividade de “CULTIVA A MENTE” está próxima a comezar nas parroquias, tralo éxito do desenrolo da actividade en Baiona no edificio multiusos Ángel Bedriñana, r/ Carabela La Pinta. Nas parroquias se levará a cabo nos seguintes lugares e co seguinte horario: Baredo, Centro Cultural. Xoves 18:30-20:00. Belesar, Centro Cultural. Xoves 11:00-12:30. Sabarís, Multiusos. Martes 11:00-12:30. Baíña, Centro Cultural. Martes 18:30-20:00.
Requisito necesario: persoas empadroadas no Concello de Baiona.
As persoas interesadas en participar poderán recoller os impresos da súa solicitude no Departamento de Servizos Sociais do Concello de Baiona, de luns a venres en horario de 9 a 14 horas. Deberán rexistrar dita solicitude por rexistro de entrada do Concello de Baiona, horario de atención ao público, de 9 a 14 horas. Máis información chamando ao teléfono 986 38 59 26.
Na folla de inscrición se recollen os seguintes datos: nome e apelidos, enderezo, n.º DNI, data de nacemento, teléfono de contacto.
Estas actividades xa veñen realizando no Multiúsos Anxo Bedriñana l na rúa Carabela A Pinta.
Xa son moitos os veciños do municipio que se beneficiaron destas actividades, nunha experiencia que cualifican moi enriquecedora para todos eles. Coa firma deste convenio reforzaranse as accións.
O Concello de Baiona e a asociación Afaga Alzhéimer, asinaron por primeira vez o pasadp mes de xuño un convenio para desenvolver accións conxuntas en beneficio das persoas con demencia e dos seus familiares.
Trátase da primeira vez que se rubricou este tipo de convenio no consistorio baionés e a asociación. A colaboración entre ambas as entidades ten por obxecto impulsar actividades conxuntas que melloren a calidade de vida das persoas con demencia e/o os seus familiares.
O alcalde, Carlos Gómez, e a concelleira de servizos sociais, Conchy Vara, “queren agradecer a AFAGA o seu traballo pola saúde dos e as maiores” e lembran que no Concello “sempre camiñaremos da man das asociacións que traballan para mellorar o benestar da veciñanza”.
O rexedor finaliza destacando “o compromiso do Concello en proporcionar recursos á nosa poboación e dar continuidade aos programas, sendo unha resposta dos dereitos que a cidadanía demanda”.
