8.9 C
Pontevedra
Venres, 29 de Marzo de 2024
Máis
    HomeVal MiñorBaionaA unión entre pobos marca a celebración do día da Hispanidade en...

    A unión entre pobos marca a celebración do día da Hispanidade en Baiona

    Baiona celebrou o seu tradicional acto do Día da Hispanidade na Praza do Concello coa presenza, ademais do alcalde, Carlos Gómez Prado; do Deputado Autonómico e anterior rexedor, Jesús Vázquez Almuiña; o cónsul xeral honorario de Ecuador en Vigo e Fillo Adoptivo de Baiona, Adriano Márquez de Magallanes, Juan Vieitez, en representación do corpo consular de Vigo; a delegada da Xunta, Marta López-Tápias; e o deputado Carlos López Font, que representou á Deputación de Pontevedra. Entre os asistentes tamén estaba a corporación do Concello de Baiona, ex alcaldes e demais autoridades locais da Vila.

    O acto de celebración da efeméride este ano celebrouse nun escenario distinto, a Praza do Concello, que presenta un marcado trazo cultural. “Ambos os matices non son baladíes, senón que responden a unha nova folla de roteiro marcado polo Concello: A de achegar os actos institucionais á nosa cidadanía para que todos e todas podamos gozar da celebración deste día sinalado. Hoxe culminamos neste emprazamento unha programación deseñada para góceo de todos os baioneses e baionesas”, destacou o Alcalde.

    “Ritmos da Hispanidade” trouxo ata Baiona unha fin de semana chea de concertos dedicados a tres países iberoamericanos, Cuba, Brasil e Arxentina, que xogaron un papel fundamental na inmigración galega, ensinando e divulgando toda a riqueza cultural destes países de acollida.

    O alcalde de Baiona, Carlos Gómez, reivindicou a unión entre os pobos co seu discurso: “Debemos e queremos lembrar que o doce de outubro é un día de unión e conciliación entre pobos e entre persoas. Unha unión de gran importancia nestes momentos tan difíciles que estamos a vivir pola crise sanitaria da Covid-19. Baiona e o seu alcalde queren, humildemente, representar ese lazo de unión entre Europa e Hispanoamérica. Queremos promover unha Festa da Hispanidade que nos reconcilie cos nosos irmáns, esquecéndonos dos desencontros entre dous grandes continentes e que nos permita exaltar os valores de convivencia, de respecto ás identidades culturais, de compromiso firme na defensa do progreso, do benestar e da paz. E non podía ser doutra maneira cando en América viven tantos galegos e galegas de orixe e de segunda e terceira xeración, moitos deles desta comarca miñorana”.

    Concluíu sinalando que no Día da Hispanidade “teñamos visión afastada e de futuro, traballemos hoxe para que as xeracións próximas poidan seguir coñecéndose, aprendendo uns doutros e respectándose. Reintegrar sempre deu mellores resultados que separar. Todos gañamos actuando en común, isto non quere dicir que cada pobo non conserve a súa propia cultura e idiosincrasia”.

    O rexedor pechou a quenda de intervencións tras o discurso do cónsul xeral honorario de Ecuador en Vigo e Fillo Adoptivo de Baiona, Adriano Márquez de Magallanes, e do deputado Carlos López Font, que representou á Deputación de Pontevedra; cun “recordo especial para os baioneses e baionesas, miñoranos, miñoranas e pontevedreses e pondevedresas que se atopan máis aló do Atlántico, en especial en Arxentina e Uruguai”.

    A nota musical da celebración do día da Hispanidade púxoa a actuación do grupo “Raíces Argentinas” que interpretou o tango “Volver”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.