21.5 C
Pontevedra
Venres, 19 de Abril de 2024
Máis
    HomeComarcasRedondelaPapá Noel enche de ilusión ás nenas e nenos das parroquias de...

    Papá Noel enche de ilusión ás nenas e nenos das parroquias de Redondela

    Por primeira vez, Papá Noel percorre todas e cada unha das parroquias do municipio saudando á rapazada e escoitando os 'pedidos' de última hora

    Os pasados 22 e 23 de decembro, Papá Noel fixo un percorrido por todas e cada unha das parroquias de Redondela, nunha iniciativa pioneira que buscaba que as nenas e nenos puidesen gozar do Nadal, independentemente do seu lugar de residencia.

    Nun coche descapotable –o frío do inverno non supón impedimento algún para quen ten a súa casa no polo norte– Papá Noel parou diante das casas, falou cos nenos e nenas, entregoulles caramelos –embolsados segundo os protocolos anticovid– e escoitou esas peticións de última hora, que sempre as hai.

    Os máis pequenos e pequenas, apunta a alcaldesa Digna Rivas, “tiveron que soportar un confinamento e restricións na súa vida cotiá e sempre mantiveron unha actitude exemplar, por iso queremos achegar o Nadal aos seus fogares para que poidan manter viva a ilusión por estas festas como sempre o fixeron, cheos de ilusión e ledicia”.

    Nunha crise sanitaria sen precedentes e que debuxa novas formas de facer as cousas, hai que reinventarse e cambiar as formas para manter o fondo. De aí que o Concello de Redondela busque achegar o Nadal e Papá Noel aos nenos e nenas dos núcleos parroquiais. “Evitamos dese xeito que as e os máis peques teñan que desprazarse e saír da súa contorna habitual e, ao mesmo tempo, evítanse aglomeracións á hora de ver a Papá Noel nos núcleos urbanos como Chapela e Redondela”, explica o Goberno local.

    Por outra parte, Papá Noel estivo onte na Alameda Rosalía de Castro de Chapela e durante a mañá de hoxe, 24 de decembro, recibiu a visita das nenas e nenos pola mañá e pola tarde.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.