7.7 C
Pontevedra
Martes, 31 de Xaneiro de 2023
Máis
    HomeComarcasRedondelaO Concello de Redondela arranxa, en menos de 24 horas, os problemas...

    O Concello de Redondela arranxa, en menos de 24 horas, os problemas causados pola tormenta no Colexio Igrexa

    Os traballos realizáronse “en canto o Concello tivo coñecemento da existencia das incidendias” e a calefacción estivo operativa dende a primeira hora do luns

    A alcaldesa de Redondela, Digna Rivas, vén de solicitar unha “reunión urxente” con técnicos de Audasa, responsable da construción do Colexio Igrexa, para darlle conta da necesidade de reforzar o muro de contención da parte traseira do centro escolar “e evitar que se volvan a repetir episodios como os vividos a pasada semana coa entrada de terra nas instalacións”.

    O Concello de Redondela actuou de inmediato en canto tivo coñecemento dos problemas detectados no colexio coa acumulación de lama e xeo no patio e nunha das entradas “unha situación que o Goberno local descoñecía por completo ao non poder acceder ao centro escolar durante o tempo de vacacións”.

    Do mesmo xeito, a calefacción volve a funcionar con normalidade dende a primeira hora de hoxe luns, de forma que o centro escolar volve a recuperar a normalidade.

    “É preciso –insistiu a rexedora local– que Audasa, responsables da obra do colexio, arranxe canto antes o muro de contención xa que as deficiencias do mesmo foron as causantes da acumulación de lama e terra”.

    Digna Rivas subliñou a “resposta inmediata” dos operarios municipais “que arranxaron todos os problemas en menos de 24 horas dende que foi dado o aviso ao Concello” e que, para maior seguridade, estenderon sal nos accesos ao centro escolar para evitar a formación de xeo.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS