9 C
Pontevedra
Xoves, 29 de Febreiro de 2024
Máis
    HomeComarcasRedondelaUn accidente entre un camión e un bus en Redondela deixou dúas...

    Un accidente entre un camión e un bus en Redondela deixou dúas persoas feridas á altura da praia de Cesantes

    Unha colisión entre un camión e un autobús que circulaban pola recta da praia de Cesantes, en Redondela, deixou esta tarde a dúas persoas feridas, unha delas excarcerada polos bombeiros.

    O accidente sucedeu ás 14:15 horas de onte. Un particular, a esa hora, chamou ao 112 Galicia para solicitar asistencia sanitaria para os dous ocupantes dun camión de ferralla que colidira contra un autobús. Indicaba que no bus viaxaban seis escolares.

    A partir de aí, os xestores do 112 pasaron aviso ao Servizo de Urxencias Sanitarias de Galicia-061, aos axentes da Policía Local e voluntarios de Protección Civil da localidade, así como aos Bombeiros do Baixo Miño, quen, finalizada a intervención, confirmaron que tiveron que facer uso do material de excarceración para liberar ao condutor ferido do camión.

    Afortunadamente, ningún dos menores que viaxaba no autobús resultou ferido e foron recollidos polos seus pais. Pola contra, os servizos sanitarios evacuaron aos dous ocupantes do camión ao centro hospitalario de referencia.

    Compre destacar que os Bombeiros de Redondela e de Vigo foron informados do suceso polo Centro Integrado de Atención ás Emerxencias (CIAE) 112 Galicia por se fose necesaria a súa intervención.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.