O 112 Galicia era informado dun accidente en Redondela, no cal, cinco persoas precisaron asistencia sanitaria, dous menores e tres adultos. Segundo se lle informou ao 112 Galicia, os dous menores foron recollidos nun coche particular que os derivou ao centro de saúde da localidade.
Tratouse dunha colisión frontal entre dous turismos que circulaban pola estrada de subida á estación, á altura do punto quilométrico 141.
Ata o lugar desprazáronse ademais dos servizos sanitarios de urxencia, os axentes de Tráfico e da Policía Local. Igualmente, foron informados os membros de Protección Civil da localidade e o persoal do servizo de mantemento da vía.
