9.3 C
Pontevedra
Luns, 24 de Xaneiro de 2022
Máis
    HomeO CondadoSalvaterra de MiñoTres mozas da Estrada e Salvaterra gañadoras do concurso da Deputación “Lebres...

    Tres mozas da Estrada e Salvaterra gañadoras do concurso da Deputación “Lebres como gacelas. Unha homenaxe a Xela Arias”

    Máis de medio centenar de mozas e mozos de centros de dez concellos da provincia participaron no certame co que a Deputación pecha a programación das Letras 2021

    Co acto de entrega dos premios do concurso “Lebres como Gacelas. Unha homenaxe a Xela Arias”, a Deputación vén de pechar a completa programación organizada con motivo das Letras 2021. Elena Castro, Hiba Lajouad e Estela Groba, tres mozas da Estrada e Salvaterra de Miño, alzáronse cos premios do concurso creativo ao que se presentaron máis de medio centenar de alumnas e alumnos de centros educativos de dez concellos da provincia.

    O concurso “Lebres como Gacelas. Unha homenaxe a Xela Arias” tiña por obxectivo achegar a figura da autora ao alumnado de educación secundaria dos centros de ensino. Para elo valorábase a creatividade das mozas e mozos mediante composicións artísticas nas que se combinaba fotografía e poesía inédita. Elena Castro Pazos, alumna de 2º da ESO do IES Nº1 da Estrada alzouse co primeiro premio polo seu traballo literario e creativo. A estradense conseguiu unha cámara Polaroid e un agasallo didáctico e un mural dedicado a Xela Arias, realizado pola muralista Tania Solla, xunto a unha actividade lúdica e interactiva sobre a autora, impartida por Polo Correo do Vento, para o seu instituto. Pola súa banda os dous accésits recalaron en Estela Groba, alumna de 2º de Bacharelato do IES Salvaterra de Miño, e en Hiba Lajouad, alumna de 4º da ESO do IES Nº1 da Estrada. Ambas mozas recibiron un agasallo didáctico e conseguiron unha actividade lúdica e interactiva sobre Xela Arias para os seus respectivos institutos.

     “Lebres como gacelas”, tal e como recordou a deputada de Cultura Victoria Alonso, tomou como inspiración a obra de Xela Arias “Tigres coma cabalos”, na que cada poema da escritora se confrontaba cunha imaxe do fotógrafo Xulio Gil. “Lebres como gacelas” establece unha analoxía coa obra de Arias pero escollendo dous nomes de animais en feminino, cunha clara declaración de intencións e reforzada pola asociación simbólica que estes animais teñen coa intelixencia, coa axilidade e coa liberdade.

    Ampla programación con motivo das Letras 2021

    A Deputación pecha con esta entrega de premios do concurso “Lebres como gacelas. Unha homenaxe a Xela Arias” unha ampla programación coa que celebrou as Letras 2021. Dende exposicións ata espectáculos, roteiros, concertos e iniciativas con centros escolares, nas que se mesturaron diferentes disciplinas artísticas, foron algunhas das propostas coas que a institución provincial espallou as Letras e a figura de Xela Arias durante todo o ano.

    Amais do concurso “Lebres como gacelas”, de fotografía e poesía, tamén se impulsou unha exposición multidisciplinar, co mesmo título, que se puido visitar na sede de Vigo da Deputación. No Verbum da cidade olívica tamén se organizou a mostra denominada “Xela Arias. A poesía do retrato”. Programouse un “Paseo imaxinario (ou non) pola obra de Xela Arias” no parque do Castro de Vigo e impulsouse a performance “Vencerse é cousa de se tratar”, na que se puido escoitar a propia voz da escritora. Amais, entre outras moitas iniciativas, espallouse pola xeografía da provincia o espectáculo “X Xela”, coa música de “A Banda da Loba”, e celebráronse obradoiros sobre Xela Arias en centros de ensino de primaria e secundaria da provincia.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS