Salvaterra abre a inscrición para os Cursos/Cata da Festa do Viño do Condado do Tea

Curso-Cata da pasada edición da Festa do Viño do 2018

Salvaterra de Miño vive, estas datas, inmersa nos preparativos da Festa do Viño do Condado do Tea que, con esta, chega a súa 60 edición. Dentro da programación desta festa, o Concello vén de abrir a inscrición para as catas comentadas que, cada ano, contan cun maior número de seguidores.

As catas comezarán o luns 19 de agosto, cunha cata comentada de Viños Brancos da DO Rías Baixas. O martes 20 a cata comentada estará dirixida aos Viños Brancos das DO Galegas e o curso/cata rematará o mércores 21 de agosto coa cata comentada de Viños Brancos e Tintos da Subzona do Condado do Tea incluída na DO Rías Baixas.

Para participar é preciso inscribirse, xa que as prazas son limitadas, e a inscrición pode facerse a través do teléfono 986 658 126 ou no enderezo de correo electrónico animacion@concellodesalvaterra.com.