23.8 C
Pontevedra
Domingo, 2 de Outubro de 2022
Máis
    HomeO CondadoSalvaterra de MiñoO cupón da ONCE 'convida' a desfrutar da Festa do Viño do...

    O cupón da ONCE ‘convida’ a desfrutar da Festa do Viño do Condado do Tea

    O cupón da ONCE do sábado, 27 de agosto, ‘convida’ a coñecer e gozar a Festa do Viño do Condado do Tea. Cinco millóns e medio de cupóns difundirán esta festa pontevedresa, a segunda máis antiga de Galicia en materia de viños.

    O director da ONCE en Vigo, Roberto Gaspar Conde, a alcaldesa-presidenta do Concello de Salvaterra de Miño, Marta Valcárcel Gómez, e o presidente da Confraría do Viño do Condado do Tea e Espumosos, Antonio Alén, presentaron este cupón, na sede do Museo da Ciencia do Viño deste Concello.

    A Festa do Viño do Condado do Tea ten as súas orixes no ano 1959. É unha cita importante para os amantes da gastronomía galega e da súa cultura. Celébrase na Fortaleza medieval de Salvaterra do Miño, conxunto histórico declarado Ben de Interese Cultural, o que dá máis grandiosidade a este evento.

    No ano 2016, a Festa do Viño do Condado do Tea foi declarada Festa de Interese Turístico de Galicia.

    Ao longo dos días da festa, o visitante pode gozar dos mellores caldos da Subzona do Condado do Tea da Denominación de Orixe Rías Baixas, e dos produtos gastronómicos de Galicia.

    Os asistentes gozan coas ‘Noites gastronómicas’, nas que gozarán dunha agradable velada e de concertos e degustacións de viños do Condado con produtos da terra e do mar.
    O día grande é o domingo, cando se dan a coñecer os Viños Deliciosos do ano e realízase o nomeamento de confrades, embaixadores efectivos responsables de defender e difundir as virtudes destes viños.

    O Sueldazo da Fin de semana da ONCE ofrece, todos os sábados e domingos, un premio principal ás cinco cifras e serie de 300.000 euros, máis 5.000 euros ao mes durante 20 anos consecutivos a un só cupón. E premios de 2.000 euros ao mes durante 10 anos consecutivos, a outros catro cupóns.

    Os cupóns da ONCE comercialízanse polos máis de 19.000 vendedores da Organización. Ademais, pódense adquirir desde www.juegosonce.es, e en establecementos colaboradores autorizados.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS