O pasado 10 de Abril celebrouse en Salceda de Caselas o Campionato Galego de Grupos Show Junior e Cuartetos, alí, o Club Patinaxe Artistica Condado, coa coreografía Unidade 630 revalidaba o título de Campión Galego na modalidade de Grupos Junior. Con esta vitoria, o grupo junior conseguía praza para participar no próximo Campionato de España que se celebrará en Alcoy o 7 e 8 de Maio.
Este galardón súmase aos xa obtidos en pasadas edicións, tendo así na súa palmarés o ouro no Campionato Gallego do 2016, 2018, 2020 e 2021 e converténdose dun dos clubs referencia da patinaxe artística galega.
En segunda posición rematgou o Ribex de Tui coa coreografía Culpable? e en terceira posición o Club Ribeira de Ribeira coa coreografía O famoso roubo en rosa.
Na modalidade de cuartetos, ouro para o Club Axel de Arteixo coa coreografía Renacer; prata para o C. P Alquimia de Carral con Tentación e terceira posición para o Club Ribeira coa coreografía Querido Avó.