10.8 C
Pontevedra
Sábado, 2 de Marzo de 2024
Máis
    HomeO CondadoSalvaterra de MiñoFernández-Tapias supervisa as obras de ampliación do IES Salvaterra de Miño que...

    Fernández-Tapias supervisa as obras de ampliación do IES Salvaterra de Miño que contan cun investimento de 587.000 euros

    Xunto á alcaldesa, Marta Valcárcel, e o xefe territorial de Cultura, Educación e Universidade, César Pérez, comprobaron o remate do patio do Infante Felipe

    A delegada territorial da Xunta de Galicia en Vigo, Marta Fernández-Tapias, cifrou hoxe en máis de 3,1 millóns de euros as obras en execución en un total de nove centros de ensino público da área territorial de Vigo. A representante autonómica fixo estas declaracións coincidindo cunha visita ás obras de ampliación do IES Salvaterra do Miño, xunto á alcaldesa Marta Valcárcel, e acompañada polo xefe territorial da Consellería de Cultura, Educación e Universidade, César Pérez Ares, e parte do equipo directivo docente deste centro.

    Respecto á intervención neste IES que, segundo detallou Fernández-Tapias permitirá ao alumnado do ciclo formativo de madeira, moble e cortiza realizar as clases prácticas nas instalacións do propio centro, consiste na reforma dun espazo residual baixo a pista do ximnasio para convertelo en aula-taller. Unha actuación coa que, dixo, cúmprese co novo programa de necesidades, habilitando 240 metros cadrados para esta ensinanza que ata o de agora impartíase nunha nave alugada no polígono industrial.

    A distribución completarase con outras actuacións como o acceso deste taller á zona de vestiarios, a través dunha escaleira que salve a cota existente, e un vestíbulo previo de separación que permitirá a comunicación co exterior.

    Asemade, o proxecto contempla no exterior melloras de mobilidade con dos ramplas que permiten a creación de itinerarios accesibles. A primeira delas unirá o nivel de acceso ao centro coas pistas e vestiarios do ximnasio. A segunda proxéctase para resolver o acceso ao taller e se completa con outra destinada a vehículos para facilitar a carga e descarga destinada a nova aula.

    Esta última rampla, tal e como explicaron os técnicos durante a visita, obriga a unha nova delimitación da pista deportiva que se atopa entre ambas ramplas aproveitando parte da existente e completando a pavimentación da zona reformada.

    Xa por último, se levantará e reporá tamén o pavimento nas zonas empedradas para drenar e compactar o terreo.

    CEIP Infante Felipe

    Tras a visita ao IES Salvaterra, a delegada xunto á alcaldesa e o xefe territorial desprazáronse ao CEIP Plurilingüe Infante Felipe de Borbón onde puideron comprobar o remate da construción do novo patio cuberto exterior ao que a Consellería de Cultura, Educación e Universidade destinou preto de 43.700 euros.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.