A alcaldesa de Salvaterra de Miño, Marta Vacárcel Gómez, supervisou as obras que nestes momentos estánse a realizar nas aulas do CRA. A Lagoa, obras que son froito dun traballo conxunto entre o Concello, profesorado e pais e nais do centro.
Trátase dun proxecto de restauración e mantemento das escolas infantís que busca “dar resposta ás novas situacións educativas, pensando sempre no beneficio do alumnado que acode ás mesmas”, sinala a alcaldesa Marta Valcárcel.
Trátase dun proxecto, que iniciou neste curso e que, con carácter gradual, pretende abordar a totalidade das escolas que conforman o CRA A Lagoa. Neste proxecto contase coa colaboración e implicación non só do Concello de Salvaterra senón tamén da ANPA Pequeniños e as distintas Asociacións Veciñais da zona e o profesorado do centro.
A colaboración das familias, lembra a rexedora local, “resulta fundamental para levar a cabo este proxecto que ten como obxectivo a contribución á mellora da escola pública. Por unha escola de todos/as e para todos/as”.