Ante a declaración de ALERTA VERMELLA recibida por parte do SERGAS no Concello de Salvaterra de Miño no día de hoxe, o grupo do Goberno local informou a todos os grupos da oposición sobre as novas medidas que se adoptarán para evitar a propagación do virus, así como compartir as diferentes impresións sobre a situación actual na que se atopa a comarca.
Todo isto para garantir un cumprimento das normas e unha unidade fronte á crise sanitaria que está a vivirse neste ano 2020.
As medidas de obrigada necesidade son as seguintes:
- Peche do Mercadillo Municipal (martes e xoves)
- Peche dos pavillóns
- Peche das aulas de actividades das distintas Casas de Cultura
- Peche do Parque de A Canuda e a zona Polideportiva
- Peche do Museo
Estas medidas entrarán en vigor a partires de mañá xoves 22 de outubro ata novo aviso.
Desde o Concello faise un chamamento a toda a poboación para extremar as medidas distanciamento e actuar coa responsabilidade que require a situación.