Tag: coronavirus

O goberno local de Nigrán proporá un novo plan de axudas directas á hostalaría do municipio ante a persistencia das restricións sanitarias que limitan directamente o traballo do sector. Esta nova convocatoria súmase á actualmente en vigor.

O presidente do Goberno galego, Alberto Núñez Feijóo, aseverou onte que Galicia está a deseñar xa a loxística para vacinar contra a Covid-19 ao resto do persoal sanitario, ao persoal sociosanitario dos centros de día e do SAF, así como aos grandes dependentes, ademais de para administrar a segunda dose nas residencias.

Hoxe día 15 de xaneiro celebrouse no concello da Guarda unha reunión de portavoces para valorar as novas medidas restritivas adoptadas pola Xunta e o seu impacto económico, sobre todo no sector da hostalería.

O presidente do Goberno galego, Alberto Núñez Feijóo, pediu hoxe aos galegos máxima prevención e anunciou que toda Galicia estará, desde o venres e, “probablemente, ata mediados de febreiro”, nos dous niveis máis altos de protección do protocolo contra a pandemia.

A alcaldesa do Porriño, Eva García considera que a situación sanitaria do Porriño polo número de infectados pola Covid-19 "é verdadeiramente preocupante", segundo valorou despois de recibir este mediodía datos concretos sobre a incidencia actual da pandemia no concello. O número de persoas infectadas ata onte é de 46 das que 19 son contaxios acaecidos entre o luns (12) e martes (7).

Por segundo día consecutivo, o concello do Porriño mantense no nivel 3 ou alerta vermella por un aumento das infeccións pola Covid-19. O mapa de alertas actualizado diariamente na páxina web do Sergas volve situar hoxe luns ao municipio porriñés en vermello ao superar as 21 infeccións nos últimos set

O Porriño abandonou hoxe a relación de concellos galegos en nivel vermello ou máximo de contaxios na que entrara onte. O concello porriñés baixou ao nivel laranxa, segundo informa a autoridade sanitaria.

O Porriño entrou hoxe en alerta vermella (nivel 3) segundo publica o mapa que diariamente difunde o Servizo Galego da Saúde. O Porriño aparece en nivel de alerta 3 por ter máis de 21 casos de covid activos nos últimos 7 días.

O Concello de Ponteareas, a través da concelleira de Saúde, Cristina Fernández Davila, informa que a localidade vén de entrar no nivel 1 de alerta sanitaria, segundo fixo público a Xunta de Galicia. Isto implica que, nos últimos sete días, os novos casos positivos confirmados de COVID-19 sitúanse entre 7 e 14, non superando en todo caso os 14 nas últimas dúas semanas.

Ante a declaración de ALERTA VERMELLA recibida por parte do SERGAS no Concello de Salvaterra de Miño no día de hoxe, o grupo do Goberno local informou a todos os grupos da oposición sobre as novas medidas que se adoptarán para evitar a propagación do virus, así como compartir as diferentes impresións sobre a situación actual na que se atopa a comarca.

A Consellería de Sanidade vén de anunciar o establecemento do nivel 2 de restricións en toda Galicia, onde ademais se limitarán as xuntanzas a grupos dun máximo de 5 persoas. Neste senso, a totalidade do territorio da Comunidade Autónoma fica no nivel 2 de restricións, unha circunstancia que incidirá nos aforos e na ocupación dos espazos dos diferentes ámbitos sociais.

O Concello do Rosal destaca a evolución positiva da situación epidemiolóxica do municipio, que nos últimos días como descendía paulatinamente o número de casos activos de COVID-19. Segundo os últimos datos facilitados pola Consellería de Sanidade, nestes intres só quedan 10 casos positivos no concello. Recordamos que se consideran casos activos o de aquelas persoas que tendo o seu médico de cabeceira adscrito ao centro de saúde do Rosal deran positivo na proba PCR e aínda non recibiron a alta médica.

O Servizo Galego de Saúde mantén operativo un procedemento específico para a detección e seguimento de persoas procedentes doutras comunidades autónomas ou doutros países e non residentes en Galicia que estea na comunidade de vacacións ou de paso e que poidan presentar síntomas de coronavirus.

Un total de 49 persoas –sete brigadas, seis condutores de motobomba e dous axentes ambientais– están confinadas tras a súa identificación como contactos estreitos dun traballador do servizo de defensa contra incendios forestais do distrito XVII (O Condado-Paradanta), que traballa na zona da Cañiza (Pontevedra), e que deu positivo por COVID-19

O Barbeira Season Fest é un dos poucos festivais do verán galego que resiste o bofetón do coronavirus. Os que aguantaron tiveron que reinventarse para adaptarse ás novas normas sanitarias e de convivencia e o Barbeira Season Fest, que se celebra en Baiona o próximo 19 de setembro, tamén.

Na reunión mantida na xornada de hoxe entre o Alcalde da Guarda, Antonio Lomba; o Concelleiro de Seguridade, Miguel Ángel Español; un representante da Policía Local; o Capitán da Guardia Civil da Comandancia de Tui, Francisco Javier Martínez e o Comandante do Posto da Guardia Civil da Guarda, Elicio Rivas Freiría, tomáronse unha serie de medidas que entrarán en efecto a partires desta mesma fin de semana, co obxecto de evitar que se produzan situacións que poñan en perigo a seguridade e salubridade pública, como consecuencia da crise sanitaria orixina polo COVID 19.

A Consellería de Sanidade informou esta mañá ao Concello do Porriño da existencia dun brote de Covid-19 con media ducía de positivos. Dende a Consellería comunicaron telefónicamente coa alcaldesa Eva García á que informaron que o brote está localizado no centro da vila.

A Câmara Municipal de Vila Nova de Cerveira e as Xuntas de Freguesía do concello proceden, nestes días, a accións de limpeza e desinfección profunda de rúas e espazos públicos sensibles, é dicir, aqueles nos que se da "unha maior mobilidade de persoas por necesidade de acceso a servizos e bens esenciais".

A empresa concesionaria de limpeza do Concello de Ponteareas desenvolve, nestes días, "actuacións de desinfección diaria ao longo de toda semana nas rúas e espazos públicos de Ponteareas, especialmente en zonas de supermercado, farmacias, panadarías e mercado municipal", informou a concelleira de Medio Ambiente que dirixe Rosa Covelo. Amais, Covelo sinalou tamén que se procede "á desinfección e lavado dos colectores de lixo, tanto no que fai referencia ao casco urbano coma ás parroquias".

O Concello de Mos acordou, por resolución de Alcaldía, o peche temporal de todos os cemiterios do municipio para visitas ao público, abríndose únicamente no caso de sepelios. A medida adoptada polo executivo que preside Nidia Arévalo, comezou a aplicarse xa hoxe venres, 20 de marzo en que todos os cemiterios mosenses, tanto os municipais como os parroquiais, atópanse xa clausurados e debidamente precintados pola Policía Local.

O Concello da Guarda vén de publicar unha serie de folletos informativos con información de interese para a cidadanía, non só no que fai referencia a normas de prevención senón tamén no que fai referencia á tramitación de documentos como poden ser o DNI ou a demanda de emprego.

Nunha reunión mantida coa representación do cadro de persoal o alcalde Xosé Represas comunicou que "o primeiro é a saúde do persoal municipal e da cidadanía, polo que o desenvolvemento do traballo no Concello supeditarase ás precaucacións necesarias para evitar contaxios".

A Deputación de Pontevedra activou hoxe desde presidencia o Comité de Seguimento pola crise do Coronavirus que avaliará diariamente as medidas que, baixo o principio de prudencia, o goberno provincial xa ten posto en marcha e das que este mesmo mércores informou directamente á toda a corporación provincial e aos sindicatos.