7.6 C
Pontevedra
Venres, 29 de Marzo de 2024
Máis
    HomeO CondadoPonteareasRibadetea suspende a súa tradicional "Festa da Tortilla"

    Ribadetea suspende a súa tradicional “Festa da Tortilla”

    A festa gastronómica da parroquia ponteareá é a segunda máis antiga de Galicia só superada pola de Laro, en Silleda

    A Asociación de Veciños ‘San Xurxo’ de Ribadetea, en Ponteareas, vén de anunciar a suspensión da Festa da Tortilla que se desenvolvía ininterrompidamente dende hai 16 anos, grazas ao esforzo e traballo da propia AA.VV. o que a converte na segunda máis antiga de Galicia despois da de Laro, en terras de Silleda.

    “Coidádevos moito para volvar a participar o ano, apertas”, así di o cartel que anuncia a suspensión deste evento gastronómico que, dende o seu nacemento como festa parroquial, medrou ata converterse nun referente a nivel galicia, promocionado no mesmísimo ‘Luar’ da TVG e que, nas últimas edicións contou con tortillas chegadas dende todos os puntos de Galicia, incluído o centro urbano da Coruña.

    Como as cousas fanse con sentidiño, a AA.VV. decidiu a suspensión deste evento dado que se trata dunha cita multitudinaria que, como tantas outras nesta terra, mírase na obriga de poñer a vista no 2021.

    Así que, o vindeiro ano, Ribadetea volverá a encherse de xentes chegadas de todos os recunchos de Galicia; uns para participar coas súas tortillas no concurso, outros para degustalas. Todos eles partícipes dunha festa gastronómica que, pasiño a pasiño, con moito esforzo, sacrificio e traballo anónimo por parte da Asociación de Veciños de Ribadetea e a veciñanza da parroquia, foi quen de facerse un oco no extenso panorama de festas gastronómicas deste país.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.