12.4 C
Pontevedra
Venres, 24 de Marzo de 2023
Máis
    HomeO CondadoPonteareasO PXOM de Ponteareas pon fin a 17 anos de parálise urbanística

    O PXOM de Ponteareas pon fin a 17 anos de parálise urbanística

    O alcalde de Ponteareas, Xosé Represas, e a segunda tenente de alcalde, Chus Garrote, manifestaron a súa satisfacción pola aprobación do PXOM no pleno de onte e sinalaron que o novo Plan “marca o inicio dunha nova etapa de prosperidade para Ponteareas”.

    Represas asegurou que o Plan Urbanístico “ten o apoio da maioría dos ponteareáns. BNG e PSOE presentámonos ás eleccións dicindo claramente que aprobaríamos o Plan se lograbamos a maioría absoluta, PP e ACIP dixeron o contrario e a veciñanza co seu voto puxo a cada un no seu lugar, dándonos a nós a maioría absoluta para aprobar o PXOM. Onte cumprimos co noso compromiso e demos reposta a un clamor social”.

    Chus Garrote engadíu que “aprobar o Plan era unha necesidade inaprazábel que non admitía máis retraso despois de 17 anos de parálise urbanística que causou gravísimos problemas a Ponteareas e á súa economía. O PP e ACIP equivocáronse co seu voto en contra porque a maioría dos seus votantes tamén queren o Plan xa”.

    Represas e Garrote salientaron os efectos positivos que terá a aprobación do PXOM: “regularizaremos o Parque Empresarial da Lomba, fundamental para a instalación de novas industrias e a ampliación das existentes, disporemos de terreos públicos na vila para construir a nova escola infantil ou facer novos aparcamentos, entre outros, e poderemos abordar a apertura do vial de acceso ao IES O Barral, a creación do grande parque do Tea ou dun novo complexo deportivo”.

    O Plan permitirá deixar de pagar 1.500 euros mensuais polo parque de Ferro Ucha e indemnizar con 180.000 € aos propietarios da parcela cedida para o ximnasio do IES Pedra de Auga

    O goberno local tamén destaca que coa aprobación do PXOM pasarán a ser propiedade municipal, entre outros, os terreos de Granitos de Galicia e a nave de Aceros del Tea. Represas e Garrote engaden que “o Plan suporá un aforro para o concello, pois deixaranse de pagar 1.500 euros mensuais polo parque Ferro Ucha, que tamén pasará a propiedade municipal, e evitarase ter que indemnizar con 180.000 euros aos propietarios da parcela cedida para o ximnasio do IES Pedra de Auga”.

    Entre outros efectos positivos do PXOM o goberno salienta a “seguridade xurídica que permitirá legalizar actividades e instalacións, algunhas con orde de demolición. Ademais tamén servirá para poñer fin á inxustiza que soportaban propietarios de fincas no rural non edificabeis, que agora deixarán de pagar a contribución”.

    Represas e Garrote agardan “responsabilidade por parte da Xunta de Galicia. Por lei dispoñen de tres meses para aprobar definitivamente o Plan e Ponteareas non pode permitirse máis retrasos. Agora non hai excusas porque o PXOM está corrixido como se nos esixíu”.

    COLABORACIÓNS

    Miguel Sande, «Brinde e desespero»

    Miguel Sande está a presentar o seu novo poemario, «Brinde e desespero», co que recentemente acadou o XXV Premio Johan Carballeira. Xa falamos noutras ocasións neste mesmo espazo de como se están a diluír a cotío as xa febles liñas que separan os distintos xéneros literarios. «Brinde e desespero» é unha proba máis pois, a pesar da súa inequívoca cadencia lírica, Sande xoga a brincar con habilidade sobre as lindes da poesía para adentrarse no terreo da narrativa e darlle forma a unha prosa poética ben particular.

    Arantza Portabales, «O home que matou a Antía Morgade»

    Abad e Barroso chegaron un día para quedar, para alternar con Leo Caldas, Frank Soutelo e algúns dos outros detectives de referencia da literatura galega dos últimos anos.

    “Nigeria 70”, una trilogía para escuchar

    El Sello inglés Strut nace a finales de los 90. En el año 2008 es adquirido por el Sello !K7 Music, con sede en Berlín, Londres y Nueva York. Strut tiene como misión desenterrar las joyas perdidas del pasado de la música de baile.

    Xosé Monteagudo, «Vémonos mañá»

    Realidade e ficción conflúen na última proposta narrativa de Xosé Monteagudo, «Vémonos mañá», na que presenta o que poderiamos considerar unha dupla biografía novelada.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    81 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS