8.5 C
Pontevedra
Venres, 29 de Marzo de 2024
Máis
    HomeO CondadoPonteareasO PSOE de Ponteareas valora positivamente o funcionamento dunha nova ambulancia 24...

    O PSOE de Ponteareas valora positivamente o funcionamento dunha nova ambulancia 24 horas para o municipio e comarca

    As e os socialistas ponteareans aplauden a iniciativa da empresa concesionaria por contemplar, como mellora no servizo, a posta en funcionamento a nova unidade reclamada polo PSOE nos últimos anos

    As veciñas e veciños de Ponteareas e da comarca do Condado e A Paradanta terán a partir do vindeiro día 16 de agosto unha nova ambulancia 24 h que se unirá a xa existente. Esta mellora foi valorada positivamente polo PSOE ponteareán que agradece á empresa adxudicataria “que contemplara esta ampliación como unha mellora a propoñer para o servizo que se presta no noso concello e que o PP retirou hai uns anos”.

    Dende O PSdeG de Ponteareas consideran “lamentable” que dende a Xunta de Galicia, gobernada polo PP, non se esixise que este tipo de melloras no servizo “fosen imprescindible para a renovación da concesión, quedando así este tipo de actuacións a consideración das empresas adxudicatarias”.

    Por último, os Socialistas de Ponteareas esperan que este servizo, “que debería ser público”, se manteña no tempo “e non sufra os recortes os cales nos ten, desgraciadamente, moi acostumados o PP en materia de servizos sanitarios”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.