7.4 C
Pontevedra
Sábado, 3 de Decembro de 2022
Máis
    HomeO CondadoPonteareasO PP de Ponteareas asegura que o Concello rexeitou pedir á Deputación...

    O PP de Ponteareas asegura que o Concello rexeitou pedir á Deputación fondos para os campos de Angoares e San Mateo

    O Goberno cualifica de "curioso" que o PP presentara esta moción cando xa estaban aprobados os Orzamentos provinciais e pregunta "por que non presentaron esas peticións, en tempo e forma, a través dos seus representantes na Deputación"

    O PP de Ponteareas denunciou que BNG e PSOE votaran en contra da moción popular na que instaban á Deputación de Pontevedra a dotar de céspede artificial o campo de Angoares e renovar o mantemento do de San Mateo. Segundo a portavoz popular Belén Villar, “os usuarios destas instalacións terán que seguir esperando a súa mellora porque o alcalde decidiu non investir nin pedir axuda á administración provincial”.

    O PP pontearean, que asegura ter presentado a moción “porque usuarios de ambos campos reclamábannolo”, subliña que nos orzamentos municipais non se destinou un só euro a estas obras “pero pensamos que, dado o que a administración provincial está a investir noutros municipios, era posible que tamén cubrise as necesidades de Ponteareas”.

    A seguir, o PP sinala que co voto en contra desta moción “votaron en contra dos veciños, en contra dos clubs deportivos que fan uso deses campos, en contra do noso municipio”.

    “Non imos entrar neste xogo”

    Pola súa banda, o Goberno local de Ponteareas amosouse rotundo ao afirmar que “non imos entrar nestes xogos políticos que acostuma o PP” e limitouse a sinalar que lles parece “ben curioso” que os populares presentaran esta moción en Pleno cando os Orzamentos provinciais “xa estaban aprobados, cousa que sabían, ou cando menos deberían saber, as e os concelleiros populares”.

    Pregúntase o Goberno que preside Xosé Represas, que “se tanta era a súa preocupación, porque non presentaron en tempo e forma esas peticións á Deputación a través dos seus representantes no organismo provincial?”

    Os clubs que adestran nestes campos, aclara o executivo local, “dispoñen de toda a información sobre este tema, trasladada polo propio Concello, e saben que estas obras realizaránse ao longo deste ano”.

    No campo de Pardelas, remata o Goberno local, “estase pendente tan só da autorización correspondente da Confederación Hidrográfica”.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS